ഏറ്റുമാനൂര്: ഹൃദയാഘാതം മൂലം കുഴഞ്ഞുവീണയാള്ക്ക് താങ്ങായി എക്സൈസ് ഉദ്യോഗസ്ഥ.സെന്ട്രല് ജംങ്ഷനു സമീപം എക്സൈസ് റേഞ്ച് ഓഫീസ്.ഇതിനെതിരെയുളള ഹോട്ടലിന് മുന്നിലെ റോഡിലാണ് തവളക്കുഴി തടിപ്ലാക്കല് സന്തോഷ്കുമാര് കുഴഞ്ഞ് വീണത്.ഇതേ സമയം ഹോട്ടലില് നിന്ന് ഇറങ്ങി വന്ന വനിത എക്സൈസ് ഉദ്യോഗസ്ഥ ടി.വീണ ഇത് കണ്ടു.സന്തോഷിന്റെ സമീപമെത്തി റോഡില് നിന്ന് പൊക്കിയെടുത്തു.എന്നാല് അത് വഴിവന്ന വാഹനങ്ങള്ക്കൊന്നും കൈകാണിച്ചിട്ട് നിര്ത്തില്ല.അവിടെ പാര്ക്ക് ചെയ്തിരുന്ന വാഹനങ്ങളും ആശുപത്രിയിലേക്ക് പോവാന് തയ്യാറായില്ല.
ഉടന് വീണ എക്സൈസ് ഓഫീസിലേക്ക് വിവരം അറിയിക്കുകയും ജീപ്പില് പ്രൈമറി ഹെല്ത്ത് സെന്ററില് കൊണ്ടുപോവുകയും ചെയ്തു. മെഡിക്കല് കോളേജിലേക്ക് കൊണ്ടുപോകണമെന്ന് ഡോക്ടര്മാര് പറഞ്ഞു.വീണ തന്നെ എകസൈസ് സിവില് ഓഫീസര്മാരായ എന്.എസ് സനില്, ഉണ്ണിമോന് മൈക്കിള്, കെ.കെ പ്രഗീഷ് എന്നിവരുടെ സഹായത്തോടെ സന്തോഷിനെ മെഡിക്കല് കോളേജില് എത്തിച്ചു.ഐസിയുവില് പ്രവേശിപ്പിച്ചിരിക്കുകയാണ്.സന്തോഷിന്റെ അമ്മയും സഹോദരിയും എത്തുന്നതുവരെ എക്സൈസ് സംഘം ആശുപ്ത്രില് തങ്ങി.പെയിന്റിങ് തൊഴിലാളിയും, ആര്ട്ടിസ്റ്റുമാണ് സന്തോഷ്.
