തിരുവനന്തപുരം: സംസ്ഥാനത്ത് മിക്ക ജില്ലകളിലും കനത്ത മഴ. ഒറ്റപ്പെട്ടയിടങ്ങളില് അതിശക്തമായ മഴക്കുള്ള സാദ്ധ്യതയാണ് പ്രവചിച്ചിട്ടുണ്ട്. തിരുവനന്തപുരം ഒഴികെയുള്ള പതിമൂന്ന് ജില്ലകളിലും മഴ മുന്നറിയിപ്പുണ്ട്.ആറ് ജില്ലകളില് ഇന്ന് ഓറഞ്ച് അലര്ട്ട് ആണ്. ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് ഓറഞ്ച് അലര്ട്ട്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം,പാലക്കാട്, വയനാട് ജില്ലകളില് യെല്ലോ അലര്ട്ടാണ്.
അടുത്ത മൂന്ന് മണിക്കൂറില് കേരളത്തില് എല്ലാ ജില്ലകളിലും ഒറ്റപ്പെട്ടയിടങ്ങളില് മഴയ്ക്കും, മണിക്കൂറില് 4050 കീ.മി വരെ വേഗതയില് വീശിയടിച്ചേക്കാവുന്ന കാറ്റിനും സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മത്സ്യത്തൊഴിലാളികള് കടലില് പോകരുതെന്ന് അധികൃതര് മുന്നറിയിപ്പ് നല്കി. മലയോര മേഖലകളിലും പ്രത്യേക ജാഗ്രത വേണം.
അതേസമയം, കാസര്കോട് ജില്ലയിലെ എല്ലാ സ്കൂളുകള്ക്കും അംഗനവാടികള്ക്കും ഇന്ന് അവധി പ്രഖ്യാപിച്ചു. കോളേജുകള്ക്ക് അവധി ബാധകമല്ല. പുഴകളിലെ ജലനിരപ്പ് ഉയരുന്നതിനാല് ജാഗ്രത പാലിക്കണമെന്ന് അധികൃതര് മുന്നറിയിപ്പ് നല്കി.
