തിരുവനന്തപുരം: സംസ്ഥാനത്ത് അടുത്ത അഞ്ച് ദിവസത്തേക്ക് ഒറ്റപ്പെട്ട ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
വടക്കന് കേരള തീരം മുതല് തെക്കന് മഹാരാഷ്ട്ര തീരം വരെ നിലനില്ക്കുന്ന ന്യുനമര്ദ്ദ പാത്തിയുടെയും അറബികടലില് പടിഞ്ഞാറന് കാറ്റ് ശക്തമാകുന്നതിന്റെ സ്വാധീന ഫലമായാണ് മഴ ലഭിക്കുക. അതേസമയം ഇന്ന് രാവിലെ 10 മണിക്ക് വന്ന അറിയിപ്പ് പ്രകാരം അടുത്ത മൂന്ന് മണിക്കൂറില് കേരളത്തില് ആലപ്പുഴ, ഇടുക്കി, കോട്ടയം, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ട്.
മത്സ്യത്തൊഴിലാളി ജാഗ്രതാ നിര്ദ്ദേശം
കേരള-ലക്ഷദ്വീപ് തീരങ്ങളില് 24-06-2022, 25-06-2022, 26-06-2022 എന്നീ തീയ്യതികളിലും, കര്ണാടക തീരങ്ങളില് ഇന്നലെ മുതല് 26 വരെയും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മല്സ്യബന്ധനത്തിനായി കടലില് പോകാന് പാടില്ല.
പ്രത്യേക ജാഗ്രത നിര്ദ്ദേശങ്ങള്
23-06-2022: മധ്യകിഴക്കന് അറബിക്കടല്, കന്യാകുമാരി തീരം, തെക്കന് തമിഴ്നാട് തീരം, ഗള്ഫ് ഓഫ് മാന്നാര് അതിനോട് ചേര്ന്നുള്ള തെക്ക് പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
24-06-2022 മുതല് 25-06-2022 വരെ: തെക്ക് കിഴക്കന് അറബിക്കടല് അതിനോട് ചേര്ന്നുള്ള മധ്യകിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതികളില് മല്സ്യബന്ധനത്തിന് പോകാന് പാടുള്ളതല്ല.
