മുംബൈ:ശിവസേന ഭരണം താഴെ വീണതിന് കാരണം സഞ്ജയ് റാവുത്തിന്റെ അഹങ്കാരമാണെന്ന് ശിവസേന കോര്‍പറേറ്റ് കൗണ്‍സിലറുടെ ചീത്തവിളി.
ശിവസേനയുടെ കോര്‍പറേഷന്‍ കൗണ്‍സിലര്‍ ദീപ് മാലാ ബാധേയുടെ പോസ്റ്ററില്‍ സഞ്ജയ് റാവുത്തിനെ കുറ്റപ്പെടുത്തുന്നത് ഇങ്ങിനെയാണ്:”നിന്റെ അഹങ്കാരത്തിന് നാല് ദിവസത്തെ ആയുസ്സേയുള്ളൂ. ഞങ്ങളുടെ സൗഹൃദം പാരമ്പര്യമാണ്.”
സഞ്ജയ് റൗത്തിന്റെ വീടിന് മുന്നില്‍ വിതരണം ചെയ്ത നോട്ടീസിലും ഇതേ കുറ്റപ്പെടുത്തലാണ് നിറയുന്നത്. ശിവസേനയുടെ സാധാരണ പ്രവര്‍ത്തകര്‍ ഉദ്ധവ് താക്കറെ സര്‍ക്കാരിന്റെ വീഴ്ചയ്‌ക്ക് കാരണം സഞ്ജയ് റാവുത്തിന്റെ അഹങ്കാരമാണെന്ന് കരുതുന്നു.
ഭരണത്തിന്റെ എല്ലാ ഗുണങ്ങളും കവര്‍ന്നെടുക്കുകയായിരുന്നു ശിവസേനയുടെ വക്താവായ സഞ്ജയ് റാവുത്ത്. രണ്ടുതവണ രാജ്യസഭാ എംപിയായി. ഭാര്യയ്‌ക്കും ബന്ധുക്കള്‍ക്കും ഒട്ടേറെ സാമ്പത്തിക നേട്ടങ്ങള്‍ സ്വന്തമാക്കി.
