മുംബൈ: താന്‍ രാജിക്കത്ത് ഒരുക്കിവെച്ചിട്ടുണ്ടെന്നും അധികാരത്തില്‍ നിന്നും താഴെയിറങ്ങാന്‍ വിമതര്‍ പറഞ്ഞാല്‍ അധികാരം ഉപേക്ഷിക്കാന്‍ തയ്യാറാണെന്ന് മുഖ്യമന്ത്രി ഉദ്ധവ് താക്കറെ.
ഫേസ് ബുക്ക് ലൈവില്‍ സംസ്ഥാനത്തെ പാര്‍ട്ടിഅണികളോടും ജനങ്ങളോടും സംസാരിക്കുകയായിരുന്നു ഉദ്ധവ് താക്കറെ. “ഞങ്ങള്‍ ഹിന്ദുത്വത്തെ പിന്തുടരും എന്നൊന്നും പറഞ്ഞതുകൊണ്ടായില്ല. എനിക്ക് ഈ സ്ഥാനത്ത് തുടരാന്‍ അര്‍ഹതയില്ലെന്ന് അവര്‍ (ഏക്നാഥ് ഷിന്‍ഡെയും കൂട്ടരും) പറയട്ടെ ഞാന്‍ സ്ഥാനമൊഴിയാന്‍ തയ്യാറാണ്”. – ഉദ്ധവ് താക്കറെ പറഞ്ഞു.
വിമതരുമായുള്ള ഒത്തുതീര്‍പ്പ് ഫോര്‍മുലകള്‍ എല്ലാം പരാജയപ്പെട്ടതോടെ പൊതുവെ വൈകാരികമായി തകര്‍ന്ന ഒരു ഉദ്ധവിനെയാണ് ഫേസ്ബുക്ക് ലൈവില്‍ കണ്ടത്.
അധികാരസ്ഥാനങ്ങളോട് വലിയ ആര്‍ത്തിയില്ല. ശിവസേനയും ഹിന്ദുത്വത്തയും തമ്മില്‍ വേര്‍തിരിക്കാനാവില്ലെന്നും ഉദ്ധവ് താക്കറെ പറഞ്ഞു.
പ്രതികരിക്കാൻ ഇവിടെ എഴുതുക: