തിരുവനന്തപുരം: മലയാളിക്ക് ശ്രുതിമധുരമായ ചലച്ചിത്ര ഗാനങ്ങളും ഭക്തി ഗാനങ്ങളും സമ്മാനിച്ച എസ്. രമേശന്‍ നായരുടെ ഓര്‍മ്മദിനമായ 18 ന് ട്രിവാന്‍ഡ്രം ഡയലോഗ്‌സ് കൂട്ടായ്‌മ അനുസ്മരണ സദസ് സംഘടിപ്പിക്കുന്നു. വൈകിട്ട് അഞ്ചിന് തൈക്കാട് ഭാരത് ഭവനിലാണ് അനുസ്മരണ യോഗം. കേന്ദ്ര മന്ത്രി വി.മുരളീധരന്‍ അനുസ്മരണ സമ്മേളനം ഉദ്ഘാടനം ചെയ്യും.
രമേശന്‍ നായരുടെ ആദ്യ ചലച്ചിത്ര ഗാനം സംവിധാനം ചെയ്ത ദര്‍ശന്‍ രാമന്‍ അധ്യക്ഷത വഹിക്കുന്ന ചടങ്ങില്‍ പ്രശസ്ത സാഹിത്യകാരന്‍ ഡോ. ജോര്‍ജ് ഓണക്കൂര്‍ മുഖ്യപ്രഭാഷകനാകും. യോഗാനന്തരം രമേശന്‍ നായരുടെ ഗാനങ്ങള്‍ കോര്‍ത്തിണക്കി ഗാനമേളയും ഉണ്ടാകും.
