തിരുവനന്തപുരം: മുഖ്യമന്ത്രിക്കെതിരെ വിമാനത്തില് പ്രതിഷേധം ഉണ്ടായ സംഭവത്തില് സിപിഎം- ഡി വൈ എഫ് ഐ പ്രതിഷേധ പ്രകടനങ്ങള് തുടരുന്നു. ശാസ്തമംഗലത്ത് കെപിസിസി ആസ്ഥാനമായ ഇന്ദിരാ ഭവന് നേര്ക്ക് കല്ലേറ് നടന്നു. പിന്നില് സിപിഎം- ഡിവൈഎഫ്ഐ പ്രവര്ത്തകരാണ് എന്ന് കോണ്ഗ്രസ് ആരോപിച്ചു.
മുതിര്ന്ന കോണ്ഗ്രസ് നേതാവ് എ കെ ആന്റണി ഇന്ദിരാ ഭവനില് ഉള്ളപ്പോഴായിരുന്നു അക്രമം. ഓഫീസിന് മുന്നില് പാര്ക്ക് ചെയ്തിരുന്ന കാറിന് നേര്ക്ക് അക്രമികള് തല്ലിതകര്ത്തു. കല്ലേറില് കാറിന് കേടുപാടുകള് സംഭവിച്ചു. രൂക്ഷമായ അസഭ്യ വര്ഷത്തോടെയാണ് കല്ലേറ് നടന്നതെന്ന് കോണ്ഗ്രസ് പ്രവര്ത്തകര് പറഞ്ഞു. സംഭവത്തില് മുഖ്യമന്ത്രിയും കോടിയേരിയും മറുപടി പറയണമെന്ന് എ കെ ആന്റണി പ്രതികരിച്ചു. കണ്ണൂര് ഇരിട്ടിയിലും സിപിഎം പ്രകടനം അക്രമാസക്തമായി.
വിമാനത്തിനുള്ളില് മുഖ്യമന്ത്രി പിണറായി വിജയനെതിരെ പ്രതിഷേധിച്ച യൂത്ത് കോണ്ഗ്രസ് പ്രവര്ത്തകര് ഭീകരരെ പോലെയാണ് പെരുമാറിയതെന്ന് സിപിഎം നേതാവ് ഇ.പി ജയരാജന് നേരത്തേ പറഞ്ഞിരുന്നു. അവര് മുഖ്യമന്ത്രിയെ അക്രമിക്കാനാണ് ശ്രമിച്ചതെന്നും പ്രതിഷേധക്കാരെ വിമാനത്തിനുള്ളില് തള്ളിയിട്ട ജയരാജന് പറഞ്ഞു.
