ഹൈദരാബാദ്:17കാരിയെ കാറില്‍ കൂട്ടബലാത്സംഗം ചെയ്ത കേസില്‍ എഐഎംഐഎം എംഎല്‍എയുടെ പ്രായപൂര്‍ത്തിയാകാത്ത മകന് അറസ്റ്റില്‍.കേസിലെ ആറ് പ്രതികളെയും കസ്റ്റഡിയില്‍ എടുത്തു.സൗദുദ്ദീന്‍ മാലിക്(18), ഒമര്‍ ഖാന്‍(18) തുടങ്ങിയവര്‍ അടക്കം പിടിയിലായി.ഇവര്‍ ടി.ആര്‍.എസ് നേതാക്കളുടെ മക്കളാണ്.പ്രായപൂര്‍ത്തിയാകാത്തതില്‍ ഒരാള്‍ എംഎല്‍എയുടെ മകനും, മറ്റൊരാള്‍ ബന്ധുവിന്റെ മകനുമാണ്.
ഉസ്മാന്‍ അലിയെന്ന ആളാണ് മെയ് 28ന് പാര്‍ട്ടിക്കായി പബ്ബ് ബുക്ക് ചെയ്തത്. മറ്റുളളവര്‍ക്കൊപ്പം പെണ്‍കുട്ടിയും 1300 രൂപ നല്‍കിയാണ് പബ്ബില്‍ പ്രവേശിച്ചത്.പെണ്‍കുട്ടിക്കൊപ്പം സുഹൃത്തും ഉണ്ടായിരുന്നു. സുഹൃത്ത് പബ്ബില്‍ നിന്ന് പോയതിന് ശേഷം സൗദുദ്ദീന്‍ പെണ്‍കുട്ടിയെ സമീപിച്ചു.ഇവര്‍ നേരത്തെ തീരുമാനിച്ച പ്രകാരം പെണ്‍കുട്ടിയെ വീട്ടിലാക്കാം എന്ന് വിശ്വസിപ്പിച്ച് കാറില്‍ കയറ്റി കൊണ്ടുപോയി ബഞ്ചറഹില്‍സില്‍ വെച്ച് പീഡിപ്പിക്കുകയായിരുന്നു എന്ന് ഹൈദരാബാദ് പോലീസ് കമ്മീഷണര്‍ സി.വി ആനന്ദ് പറഞ്ഞു.
ബാംഗുളൂരുവില്‍ നിന്നുളള ഒരാളാണ് പാര്‍ട്ടിയ്‌ക്ക് പദ്ധതി ഇട്ടതെന്നും അദ്ദേഹം വ്യക്തമാക്കി.പ്രതികള്‍ക്ക് കുറ്റത്തിന്റെ കാഠിന്യം അനുസരിച്ച് ജീവപര്യന്തമോ, വധശിക്ഷയോ ലഭിക്കും. പ്രതികളില്‍ അഞ്ച് പേര്‍ക്ക് ഇരുപത് വര്‍ഷം തടവ് ഉറപ്പാണ്.പ്രായപൂര്‍ത്തിയാകാത്തതിനാല്‍ എം.എല്‍.എയുടെ മകന് 5-7 വര്‍ഷം വരെയും ശിക്ഷ ലഭിക്കും.പ്രതികള്‍ക്കെതികെ ശക്തമായ തെളിവുകള്‍ ഉണ്ട്.ഉന്നത നേതാക്കളുടെ ബന്ധുക്കളായതിനാല്‍ ഇവരെ പോലീസ് സംരക്ഷിക്കുകയാണെന്ന് എതിര്‍പാര്‍ട്ടികള്‍ ആരോപിച്ചിരുന്നു.
മെയ് 28ന് പബ്ബില്‍ നിന്ന് വീട്ടിലാക്കാം എന്ന് പറഞ്ഞ് ആഡംബരകാറില്‍ കയറ്റികൊണ്ടുപോയ പെണ്‍കുട്ടിയെ ഇടയ്‌ക്ക് വെച്ച് മറ്റൊരു കാറിലേക്ക് മാറ്റി.പിന്നീട് ബഞ്ചറഹില്‍സില്‍ വെച്ച് പീഡിപ്പിച്ചു. 7.30ന് പബ്ബിന് മുന്നില്‍ തന്നെ ഇറക്കിവിട്ടു.അച്ഛനെ വിളിച്ചുവരുത്തിയാണ് പെണ്‍കുട്ടി വീട്ടിലേക്ക് പോയത്.അച്ഛന്റെ പരാതിയെത്തുടര്‍ന്നാണ് കേസ് രജിസ്റ്റര്‍ ചെയ്തത്.സിസിടിവി ദൃശ്യങ്ങളില്‍ ബെന്‍സ് കാറില്‍ പെണ്‍കുട്ടി ഇവര്‍ക്കൊപ്പം പോകുന്നതും ഇടയ്‌ക്ക് മറ്റൊരു കാറില്‍ കയറുന്നതും വ്യക്തമാണ്.
