കൊച്ചി: യുവ നടിയുടെ പരാതിയില് നടനും നിര്മ്മാതാവുമായ വിജയ് ബാബു ചോദ്യം ചെയ്യലിന് ഹാജരായി. തേവര പൊലീസ് സ്റ്റേഷനിലാണ് വിജയ് ബാബു ചോദ്യം ചെയ്യലിന് ഹാജരായത്. രാവിലെ 9 മണിയോടെയാണ് വിജയ് ബാബു പൊലീസ് സ്റ്റേഷനില് എത്തിയത്.
ഉഭയകക്ഷി സമ്മതപ്രകാരമുള്ള ലൈംഗിക ബന്ധമായിരുന്നു നടന്നതെന്നാണ് വിജയ് ബാബുവിന്റെ ആരോപണം. സിനിമയില് അവസരം നല്കാത്തതിലുള്ള പ്രതികാരമായാണ് കേസ് നല്കിയതെന്നും പരാതിയില് പറയുന്നത് വാസ്ത വിരുദ്ധമാണെന്നും വിജയ് ബാബു പറഞ്ഞു.
കോടതി നടപടികളില് വിശ്വാസമുണ്ടെന്നും, അന്വേഷണ ഉദ്യോഗസ്ഥരുമായി പൂര്ണമായി സഹകരിക്കുമെന്നും വിജയ് ബാബു കഴിഞ്ഞ ദിവസം പ്രതികരിച്ചിരുന്നു. തനിക്കൊപ്പം നിന്ന ബന്ധുക്കള്ക്കും സുഹൃത്തുക്കള്ക്കും നന്ദിയെന്നും കൊച്ചിയില് തിരിച്ചെത്തിയ ശേഷം വിജയ് ബാബു പറഞ്ഞു.
