ന്യൂദല്ഹി : ആധാര് കാര്ഡിന്റെ ഫോട്ടോ കോപ്പി ആര്ക്കും നല്കരുത്. അവശ്യമെങ്കില് മാസ്ക് ചെയ്ത ആധാര് കാര്ഡ് നല്കണമെന്ന് നിര്ദ്ദേശവുമായി കേന്ദ്രസര്ക്കാര്. യുഐഡിഎഐല്നിന്ന് ലൈസന്സ് നേടിയ സ്ഥാപനങ്ങള്ക്ക് മാത്രമേ തിരിച്ചറിയലിനായി ആധാര് ഉപയോഗിക്കാനാകൂവെന്നും പുതിയ നിര്ദ്ദേശങ്ങളില് പറയുന്നുണ്ട്. ഇലക്ട്രോണിക്സ് ആന്ഡ് ഐടി മന്ത്രാലയമാണ് നിര്ദേശം പുറത്തിറക്കിയത്.
ആധാര് ദുരുപയോഗം ചെയ്യുന്നത് തടയുന്നതിനായാണ് പുതിയ നിര്ദ്ദേശങ്ങള്. ഹോട്ടലുകളോ തിയേറ്ററുകളോ ലൈസന്സില്ലാത്ത സ്വകാര്യസ്ഥാപനങ്ങളോ ആധാര്കാര്ഡിന്റെ പകര്പ്പുകള് വാങ്ങിസൂക്ഷിക്കുന്നത് കുറ്റകരമാണ്. അവശ്യമെങ്കില് ഇവര്ക്ക് മാസ്ക് ചെയ്ത ആധാര് കാര്ഡ് നല്കാം. കാര്ഡിലെ അവസാന നാലക്ക നമ്പര് മാത്രം കാണുന്നതാണ് മാസ്ക്ചെയ്ത ആധാര് കോപ്പി. എന്ന വെബ്സൈറ്റില് നിന്നും മാസ്ക് ചെയ്ത ആധാര് കാര്ഡ് ഡൗണ്ലോഡ് ചെയ്യാം.
സ്വകാര്യസ്ഥാപനങ്ങള് രേഖയായി ആധാര്കാര്ഡ് ആവശ്യപ്പെട്ടാല്, അവര്ക്ക് അംഗീകൃത ലൈസന്സുണ്ടോയെന്ന് പരിശോധിക്കണം കേന്ദ്ര സര്ക്കാര് സര്ക്കാര് നിര്ദ്ദേശങ്ങളില് പറയുന്നുണ്ട്. യുഐഡിഎഐയില്നിന്ന് ലൈസന്സ് ഇല്ലാത്ത സ്ഥാപനങ്ങളാണ് അവര്ക്കെതിരെ നടപടി സ്വീകരിക്കാവുന്നതാണ്.
