തിരുവനന്തപുരം: സംസ്ഥാനത്ത് സില്വര് ലൈന് പദ്ധതിയുമായി ബന്ധപ്പെട്ടുള്ള കല്ലിടല് പൂര്ണമായി നിര്ത്തിയിട്ടില്ലെന്ന് റവന്യൂ മന്ത്രി കെ രാജന്. ‘കല്ലിടല് പൂര്ണമായി നിര്ത്തിയിട്ടില്ല. ഉടമകള്ക്ക് സമ്മതമെങ്കില് അതിരടയാള കല്ലിടുമെന്നും അല്ലെങ്കില് കെട്ടിടങ്ങളില് അതിരടയാളമോ ജിയോ ടാഗ് സംവിധാനം ഉപയോഗിച്ചോ അടയാളപ്പെടുത്താമെന്നും റവന്യൂ മന്ത്രി പറഞ്ഞു’.
സാമൂഹികാഘാത പഠനത്തിനുള്ള അതിരടയാളമാണ് ഇപ്പോള് ഇട്ടുവരുന്നത്. സാമൂഹിക ആഘാത പഠനത്തിന്റെ വേഗത വര്ദ്ധിപ്പിക്കാന് മൂന്ന് നിര്ദേശം മുന്നോട്ട് വെച്ചു. ഉത്തരവില് ഈ മൂന്ന് രീതിക്കും അനുമതി നല്കിയിട്ടുണ്ടെന്ന് കെ രാജന് പറഞ്ഞു.
