തിരുവനന്തപുരം: രാഷ്ട്രപതി രാം നാഥ് കോവിന്ദിന്റെ വാഹനവ്യൂഹത്തിലേക്ക് തിരുവനന്തപുരം മേയര് കാര് ഇടിച്ചുകയറ്റിയ സംഭവത്തില് നടപടിയെടുത്ത് ആഭ്യന്തരവകുപ്പ്. Â സെക്യൂരിറ്റി ചുമതലയുള്ള സ്പെഷ്യല് ബ്രാഞ്ച് എസ്പി എന് വിജയകുമാറിനെ സ്ഥലംമാറ്റി. ക്രൈംബ്രാഞ്ചിലേക്കാണ് മാറ്റിയത്. സുരക്ഷാ വീഴ്ച സംബന്ധിച്ച ഇന്റലിജന്സ് റിപ്പോര്ട്ടിന്റെ അടിസ്ഥാനത്തിലാണ് അച്ചടക്ക നടപടി. രാഷ്ട്രപതിയുടെ കേരള സന്ദര്ശനത്തിനിടെ ഉണ്ടായ സുരക്ഷാവീഴ്ചയില് നടപടിയുണ്ടാവണമെന്ന് കേന്ദ്രവും നിര്ദേശിച്ചിരുന്നു. Â
Â
2021 ഡിസംബര് 23നാണ് രാഷ്ട്രപതിയുടെ സന്ദര്ശന സമയത്ത് സുരക്ഷാ വീഴ്ചയുണ്ടായത്. രാഷ്ട്രപതിയുടെ വാഹന വ്യൂഹത്തിലേക്ക് തിരുവനന്തപുരം മേയര് ആര്യാ രാജേന്ദ്രന് വാഹനം ഇടിച്ച് കയറ്റുകയായിരുന്നു. ശ്രീപത്മനാഭ സ്വാമി ക്ഷേത്രത്തിലെ ദര്ശനത്തിനിടെ പ്രോട്ടോകോള് ലംഘിച്ച് എസ്പി രാഷ്ട്രപതിയുടെ അടുത്ത് പോയി സംസാരിച്ചതും ഐബി റിപ്പോര്ട്ടില് ചൂണ്ടിക്കാണിക്കുന്നുണ്ട്.
Â
വിമാനത്താവളത്തില് നിന്ന് പൂജപ്പുരയിലേക്ക് പി എന് പണിക്കര് അനാച്ഛാദന ചടങ്ങില് പങ്കെടുക്കാന് പോകവെയാണ് മേയറുടെ വാഹനം ഇടയിലേക്ക് ഇടിച്ച് കയറ്റിയത്. ചടങ്ങില് പങ്കെടുക്കേണ്ടതിനാല് മേയറുടെ വാഹനവും വാഹനവ്യൂഹത്തിനുള്ളിലേക്ക് കടക്കാന് ശ്രമിച്ചതാണെന്നാണ് ആര്യ ഈ സംഭവത്തെ ന്യായീകരിച്ചത്.
Â
