കൊച്ചി: താരസംഘടനയായ എ.എം.എം.എയിൽ(അമ്മയില്) നിന്നും രാജിവെയ്ക്കരുതെന്ന് അഭ്യര്ത്ഥിച്ച് തന്നെ ആദ്യം വിളിച്ചത് നടന് സുരേഷ് ഗോപിയാണെന്ന് ഹരീഷ് പേരടി. എന്നാൽ സ്നേഹപൂർവ്വം ആ വാക്കുകളെ നിരസിച്ചുവെന്നും ഹരീഷ് പേരടി തന്റെ ഏറ്റവും പുതിയ ഫേസ് ബുക്ക് പോസ്റ്റില് പറയുന്നു.
അമ്മയിലെ സ്ത്രീവിരുദ്ധ നിലപാടുകളില് പ്രതിഷേധിച്ചാണ് കഴിഞ്ഞ ദിവസം ഹരീഷ് പേരടി രാജിവെയ്ക്കുന്നതായി പ്രഖ്യാപിക്കുകയും രാജിക്കത്ത് അമ്മയുടെ സെക്രട്ടറിയ്ക്കും പ്രസിഡന്റിനും അയയ്ക്കുകയും ചെയ്തത്.സ്ത്രീപീഢനത്തിന്റെ പേരില് ആരോപണവിധേയനായ നിര്മ്മാതാവും നടനുമായ വിജയ് ബാബുവിനെതിരെ അമ്മ നടപടിയെടുക്കാത്തത് ഉള്പ്പെടെയുള്ള സംഘടനയുടെ സ്ത്രീവിരുദ്ധ നിലപാടുകളില് പ്രതിഷേധിച്ചാണ് രാജി.Â
ഈ തീരുമാനത്തില് നിന്നും ഹരീഷ് പേരടിയെ പിന്വലിക്കാനാണ് കഴിഞ്ഞ ദിവസം സുരേഷ് ഗോപി വിളിച്ചത്.”നിങ്ങളെ പോലൊരാൾ ഇതിൽ നിന്ന് വിട്ട് പോകരുത്, സംഘടനയുടെ ഉള്ളിൽ നിന്ന് പോരാടണം” – ഇതാണ് സുരേഷ് ഗോപി ഹരീഷ് പേരടിയോട് അഭ്യര്ത്ഥിച്ചത്. Â “പല സൂപ്പർ നടന്മാർക്കും ഇല്ലാത്ത ഈ മനുഷ്യന്റെ മനുഷ്യത്വത്തോട് ഞാൻ നന്ദിയുള്ളവനാണ്. ഈ മനുഷ്യനെ ഓർക്കാതെ പോയാൽ അത് വലിയ നന്ദികേടാകും”- ഹരീഷ് പേരടി തന്റെ ഫേസ്ബുക്ക് കുറിപ്പിൽ പറയുന്നു.
ഹരീഷ് പേരടിയുടെ ഫേസ്ബുക്ക് കുറിപ്പ് വായിക്കാം:
സുരേഷ് ഗോപിയുടെ ഒരു പുതിയ ചിത്രവും ഹരീഷ് പേരടി ഈ ഫേസ് കുറിപ്പില് പങ്കുവെച്ചിരിക്കുന്നു.
Â
