കൊച്ചി: നെടുമ്പാശ്ശേരി വിമാനത്താവളത്തില് നിന്ന് അനതികൃതമായി കടത്താന് ശ്രമിച്ച സ്വര്ണം പിടികൂടി. പാലക്കാട് സ്വദേശി റഹ്ലത്ത്, ഇടുക്കി പൈനാവ് സ്വദേശി രഞ്ജിത്ത് എന്നിവരില് നിന്നാണ് രണ്ടുകിലോ സ്വര്ണം പിടികൂടിയത്. മലദ്വാരത്തില് ഒളിപ്പിച്ച നിലയിലായിരുന്നു സ്വര്ണമെന്ന് കസ്റ്റംസ് അധികൃതര് വ്യക്തമാക്കി. നാല് ക്യാപ്സൂളുകളായാണ് സൗദി അറേബ്യയില് നിന്ന് ഇവര് സ്വര്ണം കടത്താന് ശ്രമം നടത്തിയത്.
റഹ്ലത്തില് നിന്ന് 991 ഗ്രാമും രഞ്ജിത്തില് നിന്ന് 1,019 ഗ്രാം സ്വര്ണവും പിടിച്ചെടുത്തു. ഉദ്യോഗസ്ഥര്ക്ക് ലഭിച്ച രഹസ്യ വിവരത്തെ തുടര്ന്നാണ് പരിശോധന നടത്തിയത്. കരിപൂര് വിമാനത്താവളത്തിനുപുറമെ നെടുമ്പാശ്ശേരിയിലും സുരക്ഷ കര്ശനമാക്കി. സംസ്ഥാനത്തെക്ക് വിദേശ രാജ്യങ്ങളില് നിന്ന് സ്വര്ണ കടത്ത് വര്ധിക്കുന്ന സാഹചര്യത്തിലാണ് സുരക്ഷ വര്ധിപ്പിച്ചത്.
