വര്‍ക്കല: ശിവഗിരില്‍ ശ്രീനാരായണ ഗുരുദേവന്‍ ശാരദാദേവിയെ പ്രതിഷ്ഠിച്ചതിന്റെ 110-ാമത് വാര്‍ഷികവും 60-ാമത് ശ്രീനാരായണ ധര്‍മ്മമീംമാസാ പരിഷത്തും 16,17,18 തീയതികളില്‍ ശിവഗിരി മഠത്തില്‍ നടക്കും.
16ന് രാവിലെ 7.30ന് ശ്രീനാരായണ ധര്‍മ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ പതാക ഉയര്‍ത്തും. 9.30ന് ഉദ്ഘാടന സമ്മേളനത്തില്‍ ധര്‍മ്മസംഘം ട്രസ്റ്റ് ബോര്‍ഡ് അംഗം സ്വാമി ബോധിതീര്‍ത്ഥ ദീപം തെളിയിക്കും. തുടര്‍ന്ന് സച്ചിദാനന്ദ സ്വാമിയുടെ അദ്ധ്യക്ഷതയില്‍ പ്രതിപക്ഷനേതാവ് വി.ഡി. സതീശന്‍ പരിഷത്ത് ഉദ്ഘാടനം ചെയ്യും.
അഡ്വ. വി. ജോയ് എം.എല്‍.എ. മുനിസിപ്പല്‍ ചെയര്‍മാന്‍ കെ.എം. ലാജി ധര്‍മ്മസംഘം ട്രസ്റ്റ് ജനറല്‍ സെക്രട്ടറി സ്വാമി ഋതംഭരാനന്ദ ട്രസ്റ്റ് ട്രഷറര്‍ സ്വാമി ശാരദാനന്ദ, ബോര്‍ഡ് അംഗം സ്വാമി വിശാലാനന്ദ, ഗുരുധര്‍മ്മപ്രചരണ സഭാ സെക്രട്ടറി സ്വാമി ഗുരുപ്രസാദ് എന്നിവര്‍ പ്രഭാഷണങ്ങള്‍ നടത്തും. 11.30 ന് ശാരദാമഠത്തില്‍ പ്രതിഷ്ഠാ വാര്‍ഷികത്തിന്റെ ഭാഗമായി വിശേഷാല്‍ ചടങ്ങുകള്‍. 18 വരെ വിവിധ ക്ലാസ്സുകള്‍ സെമിനാര്‍ എന്നിവയും നടക്കും.
