കടുത്തുരുത്തി: മുളക്കുളം കാരിക്കോട് നാട്ടുകാരെ ആക്രമിച്ച പരുന്തിനെ പിടികൂടി. കഴിഞ്ഞ കുറച്ചു ദിവസമായി സ്ഥലത്ത് തമ്പടിച്ചിരുന്ന പരുന്ത് നാട്ടുകാരെ ഉപദ്രവിച്ചിരുന്നു.
നുളക്കുളം സ്വദേശിയുടെ വീട്ടില്‍ ഇണക്കി വളര്‍ത്തിയിരുന്ന പരുന്ത് ഇടക്ക് പറന്ന് പോയി. അവിടെ നിന്ന് ഭക്ഷണവും പരുന്ത് കഴിച്ചിരുന്നു. എന്നാല്‍ മടങ്ങി വന്ന പരുന്തിന് ഭക്ഷണം ലഭിച്ചില്ല. അതോടെ അക്രമണം ആരംഭിച്ചു. പലര്‍ക്കും സാരാമായി പരിക്ക് പറ്റി. പിന്നീട് പരുന്തിനെ പിടിക്കാന്‍ വനവകുപ്പും നാട്ടുകാരം കിണഞ്ഞു പരിശ്രമിച്ചു.എന്നാല്‍ പരുന്ത് പിടിതന്നില്ല. തുടര്‍ന്ന് ശ്രീകാന്തിനെ ചുമതല ഏല്‍പ്പിച്ചു.
ഇന്നലെ രാവിലെ കുളങ്ങര റോബിയുടെ വീട്ടുകാരെ പരുന്ത് ആക്രമിച്ചു. ഉടന്‍ വിവരമറിഞ്ഞ് ശ്രീകാന്ത് എത്തി പന്നിയിറച്ചി വച്ച് പരുന്തിനെ ആകര്‍ഷിക്കാന്‍ ശ്രമിച്ചു. അതില്‍ പരുന്ത് വീണു. ആവേശത്തോടെ പറന്നെത്തിയ പരുന്ത് കൂട്ടിലായി. ശ്രീകാന്ത് പരുന്തിനെ വനം വകുപ്പിനെ ഏല്‍പ്പിച്ചു.
