ഭോപ്പാല് : മദ്ധ്യപ്രദേശില് റണ്വേയില് നിന്നും വിമാനം തെന്നിമാറി. അലിയന്സ് എയര് എടിആര് 72 വിമാനം ആണ് തെന്നിമാറിയത്. വിമാനത്തിലുണ്ടായിരുന്ന യാത്രികര് എല്ലാം സുരക്ഷിതരാണെന്ന് അധികൃതര് അറിയിച്ചു. റണ്വേയില് നിന്നും 10 മീറ്ററോളം ദൂരമാണ് വിമാനം തെന്നിമാറിയത്.
ദല്ഹിയില് നിന്നും രാവിലെ 11.32 നാണ് വിമാനം ജബല്പൂരിലേക്ക് പുറപ്പെട്ടത്. ജബല്പൂര് വിമാനത്താവളത്തിലായിരുന്നു സംഭവം. സംഭവ സമയം 55 യാത്രികരാണ് വിമാനത്തില് ഉണ്ടായിരുന്നത്. ലാന്റിംഗിനിടെയാണോ, പുറപ്പെടുന്നതിനിടെയാണോ അപകടം ഉണ്ടായത് എന്ന കാര്യത്തില് വ്യക്തതയില്ല. അപകടം ഉണ്ടായ ഉടന് യാത്രികരെ അധികൃതര് സുരക്ഷിത സ്ഥാനത്തേക്ക് മാറ്റി. പിന്നീട് ഇവരെ മറ്റൊരു വിമാനത്തില് ലക്ഷ്യസ്ഥാനങ്ങളില് എത്തിച്ചെന്നാണ് റിപ്പോര്ട്ട്. സംഭവത്തില് അന്വേഷണം ആരംഭിച്ചു.
