പഞ്ചാബ് നിയമസഭാ തെരഞ്ഞെടുപ്പില്‍ കോണ്‍ഗ്രസിന് വന്‍ തിരിച്ചടിയെന്നാണ് എക്‌സിറ്റ് പോള്‍ പ്രവചനം. ആം ആദ്മി പാര്‍ട്ടി അധികാരത്തിലേറുമെന്നാണ് എക്‌സിറ്റ് പോള്‍ ഫലം. മൂന്ന് എക്‌സിറ്റ് പോള്‍ ഫലങ്ങള്‍ ആം ആദ്മി പാര്‍ട്ടിക്ക് അനുകൂലമാണ് കാര്യങ്ങളെന്നാണ് വെളിപ്പെടുത്തിയിരിക്കുന്നത്. ബിജെപിക്ക് ഇപ്പോള്‍ മൂന്നു സീറ്റ് മാത്രമാണുള്ളത്. കോണ്‍ഗ്രസിന് 77 ഉം ആപ്പിന് 20 സീറ്റുകളുണ്ട്
പഞ്ചാബില്‍ എക്‌സിറ്റ് പോള്‍ വിജയം പ്രഖ്യാപിച്ചെങ്കിലും ആം ആദ്മി പാര്‍ട്ടി അമിത ആവേശത്തിനു തയാറായിട്ടില്ല. 2017ലും സമാനമായി പല എക്‌സിറ്റ് പോളുകളും ആം ആദ്മി ഏറ്റവും വലിയ ഒറ്റക്കക്ഷിയാകുമെന്നു പ്രവചിച്ചിരുന്നു. പക്ഷേ അധികാരത്തിലെത്തിയത്. കോണ്‍ഗ്രസ്.
ബിഎസ്പിയുമായി ചേര്‍ന്ന് മത്സരിക്കുന്ന അകാലിദള്‍ ആകെയുള്ള 117 ല്‍ 80 സീറ്റിലെങ്കിലും വിജയിക്കുമെന്ന പ്രതീക്ഷയിലാണ്.
