തിരുവനന്തപുരം: കാവിയില് കുളിച്ച് നിരത്തിലൂടെ ദീര്ഘദൂരം പായാന് കെഎസ്ആര്ടിസി സിഫ്റ്റിന് ബസുകള്. ഇതിന്റെ ഭാഗമായി കാവിനിറത്തിലുള്ള ആദ്യ എ.സി വോള്വോ ബസ് തലസ്ഥാനത്തെത്തി. 8 എ.സി സ്ലീപ്പര് ബസുകളില് ആദ്യത്തെ ബസാണ് ആനയറയിലെ കെഎസ്ആര്ടിസി സിഫ്റ്റ് ആസ്ഥാനത്ത് എത്തിയത്.
ബജറ്റില് അനുവദിച്ച 50 കോടി രൂപയില് നിന്നും 44.84 കോടി രൂപ ഉപയോഗിച്ച് വാങ്ങുന്ന 100 ബസുകളിലെ ആദ്യത്തെ ബസാണ് എത്തിയത്. വി.ഇ കോമേഴ്സ്യല് വെഹിക്കില് പ്രൈവറ്റ് ലിമിറ്റഡ് (വോള്വോ) എന്ന വാഹന നിര്മ്മാതാവ് സ്വന്തം ഫാക്ടറിയില് നിര്മ്മിക്കുന്ന ആദ്യത്തെ സ്ലീപ്പര് ബസാണ് തിരുവനന്തപുരത്ത് എത്തിയത്. 14.95 മീറ്റര് നീളത്തോട് കൂടിയ ബസില് 11 ലിറ്റര് എഞ്ചിന്, 430 എച്ച്.പി പവര് നല്കുന്നുണ്ട്.
40 യാത്രക്കാര്ക്ക് സുഖകരമായി കിടന്ന് യാത്ര ചെയ്യുന്ന രീതിയില് സംയോജിപ്പിച്ചിരിക്കുന്ന ബെര്ത്തുകളാണ് ഈ ബസുകളില് ഉള്ളത്. ഇതിന് പുറമെ അശോക് ലൈലാന്റ് ഷാസിയില് നിര്മ്മിച്ച 20 ലക്ഷ്വറി എ.സി ബസുകളും ഉടന് തിരുവനന്തപുരത്ത് എത്തും. 47.12 ലക്ഷം രൂപയാണ് ഒരു ബസിന്റെ വില.
ദീര്ഘ ദൂര യാത്രക്കാരെ ലക്ഷ്യമിട്ട് കൂടുതല് ലഗേജ് വെക്കുന്നതിനുള്ള ഇടം ഈ ബസുകളില് സജ്ജമാക്കിയിട്ടുണ്ട്. നാല് വശങ്ങളിലേയും എയര് സസ്പെന്ഷന്, യാത്ര കൂടുതല് സുഖപ്രദമാക്കുന്നതിന് സഹായിക്കും. അശോക് ലൈലാന്റ് അംഗീകാരമുള്ള ബാംഗ്ലൂരിലെ എസ്.എം കണ്ണപ്പ എന്ന വാഹന ബോഡി നിര്മ്മാതാവാണ് ഈ ബസുകളുടെ ബോഡി നിര്മ്മിച്ചിരിക്കുന്നത്.
കാലാവധി പൂത്തിയാക്കിയ ദീര്ഘദൂര സര്വ്വീസുകള്ക്കായി ഉപയോഗിക്കുന്ന ബസുകള് മാറ്റുന്നതിന് ബിഎസ് 6 ശ്രേണിയിലെ എയര് സസ്പെന്ഷനോട് കൂടിയ 72 നോണ് എ.സി ഡീലക്സ് ബസുകളാണ് അശോക് ലൈലാന്റ് ഷാസിയില് നിര്മ്മിച്ചിരിക്കുന്നത്. 33.79 ലക്ഷം രൂപയാണ് ഒരു ബസിന്റെ വില. സൗകര്യ പ്രദമായ റിക്ലൈനിംഗ് സീറ്റുകളോട് കൂടിയ ഈ ബസില് 41 യാത്രക്കാര്ക്ക് സുഖമായി യാത്ര ചെയ്യാനാകും.
തൃച്ചിയിലുള്ള ഗ്ലോബല് ടിവിഎസ് എന്ന പ്രമുഖ ബസ് ബോഡി നിര്മ്മാതാക്കളാണ് 72 ബസുകള്ക്ക് ബോഡി നിര്മ്മിച്ചിരിക്കുന്നത്. എല്ലാ ബസുകളും എല്ലാവിധ സുരക്ഷാ മുന്കരുതലോട് കൂടി കേന്ദ്ര സര്ക്കാര് നിഷ്കര്ഷിച്ചിരിക്കുന്ന ബസ് ബോഡി കോഡ് എഐഎസ് 052 മാനദണ്ഡങ്ങളോട് കൂടിയാണ് ബസുകളുടെ ബോഡി നിര്മ്മിച്ചിരിക്കുന്നത്.
