കൊച്ചി: സിപിഎമ്മിലെ ചില നേതാക്കള് സ്ത്രീകളോട് മോശമായി പെരുമാറുന്നെന്ന ആരോപണവുമായി മന്ത്രി ആര്. ബിന്ദു. സിപിഎം സംസ്ഥാന സമ്മേളനത്തില് സംഘടനാ റിപ്പോര്ട്ടിന്മേല് നടത്തിയ പൊതുചര്ച്ചയിലാണ് ബിന്ദുവിന്റെ വിമര്ശനം.
പുരുഷ മേധാവിത്വപരമായ സമീപനമാണ് പല കാര്യങ്ങളിലും നടക്കുന്നത്. പാര്ട്ടി നേതാക്കൡ സ്ത്രീകളോടുള്ള മോശം പെരുമാറ്റം തുടരുന്നു എന്നത് ഖേദത്തോടെ പറയേണ്ടി വരുന്നു. എന്തെങ്കിലും മോശം അനുഭവമുണ്ടായാല് പരാതി നല്കിയാലും നടപടിയുണ്ടാകുന്നില്ല. പരാതി നല്കിയ ആളുകള്ക്ക് മാനസികമായ ആക്രമണം നേരിടേണ്ടി വരുന്ന അവസ്ഥയാണ്. ആലപ്പുഴയില് നിന്ന് വനിതകള്ക്ക് കാര്യമായ പരിഗണന കിട്ടുന്നില്ലെന്ന വിമര്ശനവും പാര്ട്ടി വേദിയില് ഉയര്ന്നു.
