തിരുവനന്തപുരം : തീരസംരക്ഷണ സേനയുടെ നേതൃത്വത്തില്‍ നടത്തിയ തെരച്ചിലില്‍ കടല്‍ വെള്ളരി പിടികൂടി. കേരള, മാഹി കവരത്തി തീരസംരക്ഷണ സേനാസ്ഥാനത്തിന്റേയും ആഭിമുഖ്യത്തില്‍ സമര്‍ എന്ന തീരസംരക്ഷണ സേനാ കപ്പല്‍, കടലിലൂടെയും ആകാശത്തിലൂടെയും നടത്തിയ ഏകോപിത തെരച്ചിലിലൂടെ 30 ജീവനുള്ള കടല്‍ വെള്ളരികളേയാണ് പിടിച്ചെടുത്തത്.
സേന നാല് കടല്‍ വെള്ളരി വേട്ടക്കാരെയും ഇവരുടെ ബ്ലുവാട്ടര്‍ എന്ന ബോട്ടും പിടിച്ചെടുത്തിട്ടുണ്ട്. സുരക്ഷിത് സാഗര്‍- സുരക്ഷിത് ഭാരത്’ എന്ന ആശയത്തെ ശക്തിപ്പെടുത്തിക്കൊണ്ട് ഇന്ത്യന്‍ സമുദ്രത്തില്‍ കള്ളക്കടത്ത് വ്യാപനം എന്ന വിപത്തിനെ നേരിടുന്നതില്‍ തീരസംരക്ഷണ സേന പ്രതിജ്ഞാബദ്ധമാണെന്നും തീരസംരക്ഷണ സേന അറിയിച്ചു.
