തൃശൂര്: പുതുക്കാട് ഗുഡ്സ് ട്രെയിന് പാളം തെറ്റിയതിനെ തുടര്ന്ന് താറുമാറായ ട്രെയിന് സര്വീസുകള് പുനസ്ഥാപിച്ചു. പാളം തെറ്റിയ ചരക്ക് ട്രെയിനിന്റെ എഞ്ചിനും ബോഗികളും മാറ്റിയതിന് ശേഷം പുതിയ പാളം ഘടിപ്പിച്ചു. ട്രയല് റണ് നടത്തിയ ശേഷമാണ് ഇരുവരി ഗതാഗതം ആരംഭിച്ചത്.
പുതിയതായി ഘടിപ്പിച്ച പാളത്തിന്റെ ബല പരിശോധന കൂടി പൂര്ത്തിയാക്കിയ ശേഷമാകും ട്രെയിന് കടത്തിവിട്ടത്. മലബാര് എക്സ്പ്രാണ് ആദ്യം കടത്തിവിട്ടത്. പരീക്ഷണാടിസ്ഥാനത്തില് ഇതിലൂടെ ആദ്യം സര്വീസ് നടത്തുന്ന ട്രെയിനുകളുടെ വേഗതയില് നിയന്ത്രണമുണ്ടാകും.
വെള്ളിയാഴ്ച ഉച്ചയോടെയാണ് തൃശ്ശൂര് പുതുക്കാട് വെച്ച് ഗുഡ്സ് ട്രെയിന് പാളം തെറ്റിയത്. പുതുക്കാട് റയില്വേ സ്റ്റേഷന് സമീപം തെക്കേ തുറവ് ഗേറ്റിന് അടുത്താണ് അപകടം ഉണ്ടായത്. ഇരുമ്പനത്തേക്ക് പോകുന്ന ചരക്ക് തീവണ്ടിയാണ് ഉച്ചയ്ക്ക് രണ്ട് മണിയോടെ അപകടത്തില്പ്പെട്ടത്. അറ്റകുറ്റ പണി നടക്കുന്ന സ്ഥലമായതിനാല് വേഗത കുറച്ചാണ് ട്രെയിന് കടന്ന് പോയിരുന്നത്. ബോഗികളില് ചരക്കുണ്ടായിരുന്നില്ലെന്നതിനാല് അപകട വ്യാപ്തി കുറഞ്ഞു. എന്നാല് ട്രെയിന് പാളം തെറ്റിയതോടെ ഈ റൂട്ടില് ഗതാഗത നിയന്ത്രണമേര്പ്പെടുത്തിയിരുന്നു. ഒമ്പത് ട്രെയിനുകള് റദ്ദാക്കേണ്ടിവന്നു. ആറെണ്ണം ഭാഗികമായും റദ്ദാക്കി.
