കോഴിക്കോട്: പി.വി. അന്‍വര്‍ എംഎല്‍എയുടെ സ്ഥലത്തെ വിവാദ തടയണയ്‌ക്ക് കുറുകെ ഉണ്ടായിരുന്ന റോപ് വേ പൊളിച്ചുനീക്കി. ഓംബുഡ്സ്മാന്റെ ഉത്തരവിന്റെ അടിസ്ഥാനത്തിലാണ് ഊര്‍ങ്ങാട്ടിരി പഞ്ചായത്ത് റോപ് വേ പൊളിച്ചു നീക്കിയത്.
അഞ്ച് വര്‍ഷത്തെ നിയമയുദ്ധത്തിനൊടുവിലാണ് റോപ് വേ പൊളിച്ചുനീക്കാന്‍ ഉത്തരവിറങ്ങിയത്. വെറും റെസ്റ്റോറന്‍റ് ലൈസന്‍സിന്റെ മറവിലാണ് കക്കാടംപൊയില്‍ ചീങ്കണ്ണിപ്പാറയില്‍ വനഭൂമിയോട് ചേര്‍ന്ന് മൂന്ന് മലകളെ ബന്ധിപ്പിച്ച് നിര്‍മ്മിച്ച റോപ് വേ പൊളിച്ച് നീക്കിയത്
ആര്യാടന്‍ കുടുംബത്തിന്റെ അനുയായിയാണ് രാഷ്‌ട്രീയപ്രേരിതമായ ഈ കേസിന് പിന്നിലെന്നാണ് അന്‍വറിന്റെ ആരോപണം. അധികാരത്തിന്റെ യും സ്വാധീനത്തിന്റെ യും ബലത്തിലായിരുന്നു നിലമ്പൂര്‍ എംഎല്‍എയുടെ നിയമലംഘനമെന്നും സത്യം ജയിച്ചെന്നും പരാതിക്കാരന്‍ പറയുന്നു.
