മലയാളത്തില് ഇതുവരെ അവതരിപ്പിക്കാത്ത വ്യത്യസ്തമായ കഥയും അവതരണവും കാഴ്ചവെക്കുന്ന പോര്മുഖം എന്ന ത്രില്ലര് ചിത്രത്തിന്റെ ചിത്രീകരണം തിരുവനന്തപുരത്തും പരിസരങ്ങളിലുമായി പൂര്ത്തിയായി. സഫാനിയ ക്രീയേഷന്സിനു വേണ്ടി ആര്. വില്സന് നിര്മ്മിക്കുന്ന ഈ ചിത്രം നവാഗതനായ വി.കെ.സാബു സംവിധാനം ചെയ്യുന്നു.
ഉള്പ്രദേശത്ത് ഒറ്റപ്പെട്ടു നില്ക്കുന്ന ഒരു എസ്റ്റേറ്റ് ബംഗ്ലാവിലാണ് ആരെയും ഞെട്ടിക്കുന്ന ആ സംഭവങ്ങള് അരങ്ങേറിയത്. ബംഗ്ലാവില് പ്രതാപന് കോണ്ട്രാക്ടര് ഒരു ദിവസം കുടുംബസമേതം എത്തി.തന്റെ മകളെയും, മകനേയും കാര്യസ്ഥനെ ഏല്പ്പിച്ചിട്ട്, പ്രതാപനും ഭാര്യയും അഡ്വക്കേറ്റിനെ കാണാനായി പട്ടണത്തില് പോയി. ഈ സമയത്ത് എല്ലാവരുടെയും കണ്ണ് വെട്ടിച്ച് ഒരു സൈക്കോ ബാധിച്ച യുവാവ് ബംഗ്ലാവില് കടന്നു കൂടുന്നു. തുടര്ന്ന് എല്ലാവരെയും ഞെട്ടിച്ച സംഭവപരമ്പരകളാണ് സംഭവിക്കുന്നത്.
പോര്മുഖത്തിന്റെ സ്റ്റുഡിയോ വര്ക്കുകള് പുരോഗമിക്കുകയാണ്. ഹരിരാജും, അക്ഷയ ഗിരീഷുമാണ് നായികാ നായകന്മാര്. രചന- സത്യദാസ്ഫീനിക്സ്, ക്യാമറ- ബിജുലാല് പോത്തന്കോട്, എഡിറ്റര്- വിജില്,പശ്ചാത്തല സംഗീതം, സൗണ്ട് ഇഫക്ട്- ജെമില് മാത്യു, കല- ഭാവന രാധാകൃഷ്ണന്, മേക്കപ്പ്- നിയാസ്, കോസ്റ്റ്യൂം- കര്ത്തിക്, ഡിസൈന്- സജിത് ഒറ്റൂര്, സ്റ്റില്- അബി, പിആര്ഒ- അയ്മനം സാജന്, വിവേകാനന്ദന്, സജീവ് സൗപര്ണ്ണിക, അച്ചുതന്, ഷാജഹാന്, അനില്, നയന, ആര്യ എന്നിവരും ചിത്രത്തില് വേഷമിടുന്നു.
