കാസര്കോട്: റിപ്പബ്ലിക് ദിനത്തില് ദേശീയ പതാക തല തിരിച്ച് ഉയര്ത്തി സല്യൂട്ട് ചെയ്ത് മന്ത്രി അഹമ്മദ് ദേവര്കോവില്. മുനിസിപ്പല് സ്റ്റേഡിയത്തില് നടന്ന ചടങ്ങിലാണ് പച്ച നിറം മുകളിലും കുങ്കുമ വര്ണം താഴെയും വരുന്ന തരത്തില് മന്ത്രി പതാക ഉയര്ത്തിയത്. മന്ത്രി പതാക ഉയര്ത്തി സലൂട്ട് സ്വീകരിച്ച ശേഷമാണ് തെറ്റ് ചൂണ്ടിക്കാണിക്കപ്പെട്ടത്.
പതാക ഉയര്ത്തിയതിലെ തെറ്റ് മാധ്യമപ്രവര്ത്തകര് ചൂണ്ടിക്കാട്ടിയതോടെ പതാക താഴ്ത്തി പിന്നീട് ശരിയായ രീതിയില് ഉയര്ത്തുകയായിരുന്നു. സംഭവത്തില് കളക്ടറുടെ ചുമതലയുള്ള എ ഡി എം അന്വേഷണത്തിന് ഉത്തരവിട്ടു. ജില്ലാ പൊലീസ് മേധാവിയോടാണ് അന്വേഷിച്ച് റിപ്പോര്ട്ട് സമര്പ്പിക്കാന് എഡിഎം ആവശ്യപ്പെട്ടത്. കുറ്റക്കാര്ക്കെതിരെ കര്ശന നടപടി ഉണ്ടാകുമെന്ന് എഡിഎം അറിയിച്ചു.
