തിരുവനന്തപുരം: നടനും രാജ്യസഭ എംപിയുമായ സുരേഷ് ഗോപിക്ക് കോവിഡ് സ്ഥിരീകരിച്ചു. താരം തന്നെയാണ് സോഷ്യല് മീഡിയ വഴി ഇക്കാര്യം അറിയിച്ചത്. നേരിയ പനി മാത്രമാണ് ഉള്ളതെന്നും എല്ലാവരും സാമൂഹിക അകലം പാലിക്കാന് ശ്രദ്ധിക്കണമെന്നും സുരേഷ് ഗോപി ഫേസ്ബുക്ക് പോസ്റ്റില് കുറിച്ചു.
പോസ്റ്റിന്റെ പൂര്ണരൂപം-
മുന്കരുതലുകള് ഉണ്ടായിരുന്നിട്ടും, എനിക്ക് കോവിഡ്-19 പോസിറ്റീവ് ആണെന്ന് സ്ഥിരീകരിച്ചു. ഞാന് ക്വാറന്റൈനിലാണ്. നേരിയ പനി ഒഴിച്ചാല് ഞാന് പൂര്ണ്ണ ആരോഗ്യവാനാണ്. ഈ ഘട്ടത്തില്, എല്ലാവരും സാമൂഹിക അകലം പാലിക്കുന്നെന്ന് കര്ശനമായി ഉറപ്പാക്കണം. ആള്ക്കൂട്ടങ്ങളില് നിന്ന് അകന്നുനില്ക്കുകയും ചെയ്യണമെന്ന് എല്ലാവരോടും അഭ്യര്ത്ഥിക്കുന്നു. നിങ്ങള് സുരക്ഷിതരായിരിക്കുകയും മറ്റുള്ളവരെ സുരക്ഷിതമായും രോഗബാധിതരാക്കാതെയും സൂക്ഷിക്കാനുള്ള കരുതല് ഉണ്ടായിരിക്കുകയും വേണം.
