പാരീസ്: കൊവിഡ് വാക്സിന് എടുത്തില്ലെങ്കില് ലോക ഒന്നാം നമ്പര് ദ്യോക്കോവിച്ചിനെ ഫ്രഞ്ച് ഓപ്പണില് കളിപ്പിക്കില്ലെന്ന് ഫ്രഞ്ച് കായിക മന്ത്രാലയം വെളിപ്പെടുത്തി. വാക്സിന് എടുക്കാത്തതിനെ തുടര്ന്ന് ദ്യോക്കോവിച്ചിന് ഓസ്ട്രേലിയന് ഓപ്പണില് കളിക്കാനായില്ല. വാക്സിന് എടുക്കാതെ ഓസ്ട്രേലിയയിയിലെത്തിയ ദ്യോക്കോവിച്ചിന് കഴിഞ്ഞ ദിവസം നാടുകടത്തി.
ഫ്രാന്സ് പാര്ലമെന്റ് ഞായറാഴ്ച പാസക്കിയ വാക്സിന് നിയമമാണ് ദ്യോക്കോവിച്ചിന് ഫ്രഞ്ച് ഓപ്പണില് മത്സരിക്കാന് തിരിച്ചടിയാകുന്നത്. ഈ നിയമപ്രകാരം ഫ്രാന്സില് പൊതു സ്ഥലങ്ങള് സന്ദര്ശിക്കുന്നതിനും ദീര്ഘദൂര ട്രെയിനുകളില് യാത്രചെയ്യുന്നതിനും കൊവിഡ് വാക്സിനേഷന് സര്ട്ടിഫിക്കറ്റ് നിര്ബന്ധമാണ്. ഈ നിയമം പ്രൊഫഷണല് കായിതാരങ്ങള് അടക്കമുള്ള എല്ലാവര്ക്കും ബാധകമാണ്. ഈ വര്ഷം മേയിലാണ് ഫ്രഞ്ച് ഓപ്പണ്.
