കോട്ടയം: നഗരം ഗുണ്ടാ മാഫിയാ സംഘത്തിന്റെ പിടിയില്‍. കൊലപാതകങ്ങളും മോഷണവും പിടിച്ചുപറിയും ക്ഷേത്രമോഷണവും ഗുണ്ടകളുടെ ആക്രമണവും കഞ്ചാവ് മാഫിയാ സംഘട്ടിന്റെ അഴിഞ്ഞാട്ടവും നടക്കുമ്പോള്‍ കോട്ടയത്തെ പോലീസ് നിഷ്‌ക്രിയമാണ്.
നഗരമധ്യത്തില്‍ ഉന്നത പോലീസ് ഉദ്യോഗസ്ഥരുടെ ഓഫീസിനും ജില്ലയുടെ ഭരണസിരാകേന്ദ്രത്തിന് സമീപവും മൃഗീയമായ കൊലപാതകം നടന്നിട്ട് പോലീസ് അറിഞ്ഞില്ല. കൊടും ക്രിമിനലായ കുപ്രസിദ്ധനായ പ്രതി മൃതദേഹവുമായി സ്‌റ്റേഷനില്‍ എത്തുമ്പോഴാണ് സംഭവം പോലീസുപോലും അറിയുന്നത്.
ജില്ലയില്‍ അടുത്തകാലത്തായി ചെറുതും വലുതുമായ നൂറുകണക്കിന് കുറ്റകൃത്യങ്ങളാണ് നടന്നത്. രാത്രിയായാല്‍ സാധാരണക്കാര്‍ക്ക് നഗരത്തിലൂടെ യാത്ര ചെയ്യാന്‍ സാധിക്കില്ല. ക്രമസമാധന നില സംരക്ഷിക്കാന്‍ ജില്ലയിലെ പോലീസിന് കഴിയുന്നില്ല. കാപ്പാ കേസില്‍ നടുകടത്തിയ പ്രതികള്‍ പോലീസിന്റെ കണ്‍മുമ്പിലൂടെ വിലസുകയാണ്. സാധാരണക്കാരെ മാത്രമല്ല പോലീസിനെയും ഇവര്‍ ആക്രമിക്കുന്നു.
