തിരുവനന്തപുരം : നടന് മമ്മൂട്ടിക്ക് കോവിഡ് സ്ഥിരീകരിച്ചു. ചെറിയ ജലദോഷം മാത്രമാണ് ഉള്ളത്. മറ്റു ആരോഗ്യപ്രശ്നങ്ങള് ഒന്നുമില്ലാത്തതിനാല് വീട്ടില് തന്നെ നിരീക്ഷണത്തില് കഴിയുകയാണെന്ന് മമ്മൂട്ടിയുമായി അടുത്ത വൃത്തങ്ങള് അറിയിച്ചു. സിബിഐ അഞ്ചാം ഭാഗത്തിന്റെ ചിത്രീകരണ വേളയിലാണ് രോഗം സ്ഥിരീകരിച്ചത്.
ചിത്രീകരണ വേളയില് ചെറിയ ജലദോഷമുണ്ടെന്ന് കണ്ടതോടെയാണ് പരിശോധിക്കുകയും കോവിഡ് ആണെന്ന് സ്ഥിരീകരിക്കുകയുമായിരുന്നു. ഇതോടെ ചിത്രത്തിന്റെ ഷൂട്ടിംഗ് നിര്ത്തിവെച്ചു.
മമ്മൂട്ടി- അമല് നീരദ് കൂട്ടുക്കെട്ടിന്റെ ‘ഭീഷ്മപര്വ്വ’മാണ് മമ്മൂട്ടിയുടെ പുറത്തിറങ്ങാനിരിക്കുന്ന ചിത്രം. ഫെബ്രുവരി 24നാണ് ചിത്രം ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. മൈക്കിള് എന്ന കഥാപാത്രത്തെയാണ് ചിത്രത്തില് മമ്മൂട്ടി അവതരിപ്പിക്കുന്നത്.
നവാഗതയായ റത്തീന ഷര്ഷാദ് സംവിധാനം ചെയ്യുന്ന പുഴു, ലിജോ ജോസ് പല്ലിശ്ശേരിയുടെ ‘നന്പകല് നേരത്ത് മയക്കം’ എന്നിവയാണ് ചിത്രീകരണം പൂര്ത്തിയായ മറ്റു ചിത്രങ്ങള്. പാര്വതി തിരുവോത്തും മമ്മൂട്ടിയും ആദ്യമായി ഒന്നിക്കുന്ന പുഴുവാണ് മമ്മൂട്ടിയുടെ മറ്റൊരു ചിത്രം. സിനിമാ രംഗത്തുള്ള നിരവധി പേര്ക്ക് അടുത്തിടെ രോഗം ബാധിച്ചിരുന്നു.
