തിരുവനന്തപുരം: തിരുവനന്തപുരം വിമാനത്താവളത്തിലെ ഉന്നത ഉദ്യോഗസ്ഥനെതിരെ സ്ത്രീപീഡനക്കേസ് പരാതി വന്നതിനെ തുടര്‍ന്ന് അദാനി ഗ്രൂപ്പ് അയാളെ സസ്‌പെന്‍റ് ചെയ്തു.
വിമാനത്താവളത്തിലെ ചീഫ് അഡ്മിനിസ്‌ട്രേറ്റീവ് ഓഫീസറായ മധുസൂദന റാവുവിനെതിരെയാണ് സഹപ്രവര്‍ത്തക പരാതി നല്‍കിയത്. ഫ്‌ളാറ്റിലേക്ക് വിളിച്ചുവരുത്തിയ ശേഷം ലൈംഗികപീഡനത്തിനിരയാക്കി എന്നാണ് കേസ്.
തുമ്പ പൊലീസിലാണ് കേസ് വന്നത്. വിമാനത്താവള നടത്തിപ്പുകാരായ അദാനി ഗ്രൂപ്പ് പരാതിയുടെ അടിസ്ഥാനത്തില്‍ ഉദ്യോഗസ്ഥനെ ഉടനെ സസ്‌പെന്‍റ് ചെയ്തു. ഇത്തരം പ്രശ്‌നങ്ങളില്‍ മുഖം നോക്കാതെ നടപടിയെടുക്കുമെന്നും അന്വേഷണവുമായി സഹകരിക്കുമെന്നും അദാനി ഗ്രൂപ്പ് വാര്‍ത്താക്കുറിപ്പില്‍ പറഞ്ഞു.
