ഇന്ത്യയുടെ തന്നെ അഭിമാനമായ മിസ്റ്റര് യൂണിവേഴ്സ് കെങ്കേമം എന്ന സിനിമയില് പ്രധാന കഥാപാത്രമായി വരുന്നു. ബോഡി ബില്ഡിങ്ങില് ഇന്ത്യന് മോണ്സ്റ്റര് എന്നറിയപ്പെടുന്ന ചിത്തരേഷ് നടേശന് ആണ് കെങ്കേമം എന്ന ചിത്രത്തില് ശക്തമായൊരു കഥാപാത്രത്തെ അവതരിപ്പിച്ചു കൊണ്ടാണ് അഭിനയരംഗത്തെത്തുന്നത്.
ഒത്തിരി പ്രത്യേകതകളുള്ള കെങ്കേമം സിനിമയില് ചിത്തരേഷ് നടേശന് സിദ്ധാര്ഥ് എന്ന കഥാപാത്രമായാണ് വേഷമിടുന്നത്. കൂടുതല് വിശേഷങ്ങള് ഒന്നും അണിയറ പ്രവര്ത്തകര് പുറത്തു വിട്ടിട്ടില്ല എങ്കിലും നടേശന്റ അരങ്ങേറ്റം മലയാളസിനിമക്ക് ഒരു സര്പ്രൈസ് തന്നെയാണ്.
എങ്ങിനെയെങ്കിലും ജീവിതത്തില് ജയിക്കണം എന്നാഗ്രഹിക്കുന്ന മൂന്നു ചെറുപ്പക്കാരും അവരുടെ ജയിക്കാനുള്ള പോരാട്ടവും, അതിനിടയിലെ മണ്ടത്തരങ്ങളും ഹാസ്യരൂപേണ വരച്ചു കാട്ടുന്ന ഒരു കോമഡി ചിത്രമാണ് കെങ്കേമം.
റാംജിറാവു സ്പീക്കിങ്, ഇന് ഹരിഹര് നഗര് തുടങ്ങിയ ജോണറില് വരുന്ന ചിത്രം വ്യത്യസ്തമായ തീയേറ്റര് എക്സ്പീരിയന്സ് നല്കുവാന് സാധിക്കുന്ന തരത്തില് ഉള്ള മേക്കിങ് സ്റ്റൈല് ആണ് പരീക്ഷിച്ചിട്ടുള്ളത്. കെങ്കേമം കെങ്കേമമാക്കുവാന് ഇനിയും പല വിശേഷങ്ങളും പ്രേക്ഷകര്ക്കായി പുറത്തുവിടുമെന്ന് സംവിധായകന് ഷാമോന് ബി പാറേലില് പറഞ്ഞു.
ഓണ്ഡിമാന്ഡ്സിന്റെ ബാനറില് നിര്മ്മിക്കുന്ന കെങ്കേമം ഷാമോന് ബി പാറേലില് രചനയും, സംവിധാനവും നിര്വ്വഹിക്കുന്നു. ക്യാമറ – വിജയ് ഉലഗനാഥ്, എഡിറ്റിംഗ്-ചിയാന് ശ്രീകാന്ത്, സംഗീതം- ദേവേഷ് ആര്.നാഥ്, കല – ജോസഫ് നെല്ലിക്കല്, കോസ്റ്റ്യൂം – ഭക്തന് മങ്ങാട്, മേക്കപ്പ് – ലിബിന് മോഹന്, പിആര്ഒ- അയ്മനം സാജന്
ഭഗത് മാനുവല്, നോബി മാര്ക്കോസ്, ലെവിന് സൈമണ് ജോസഫ്, സലിം കുമാര്, അബു സലിം, സിദ്ധിഖ് ഇസ്മായില്, ഇടവേള ബാബു, മോളി കണ്ണമാലി, അരിസ്റ്റോ സുരേഷ്, ബാദുഷ, കലാഭവന് ഹനീഫ്, നിയാസ് ബക്കര്, സുനില് സുഗത, സാജു നവോദയ തുടങ്ങിയവരും അഭിനയിക്കുന്നു
