തൃശ്ശൂര്: എഎസ്ഐ മദ്യപിച്ച് വാഹനം ഓടിച്ച് ബൈക്ക് യാത്രക്കാരെ ഇടിച്ചു തെറിപ്പിച്ചു നിര്ത്താതെ പോയി. തൃശ്ശൂര് കണ്ണാറയിലാണ് സംഭവം. മലപ്പുറം പോലീസ് ക്യാമ്പിലെ എഎസ്ഐ പ്രശാന്താണ് മദ്യപിച്ച് വാഹനം ഓടിച്ച് അപകടമുണ്ടാക്കിയത്. നിര്ത്താതെ പോയ വാഹനം നാട്ടുകാര് വളഞ്ഞ് തടഞ്ഞുവെക്കുകയായിരുന്നു. വാഹനത്തിലുണ്ടായിരുന്ന ഇദേഹത്തിന്റെ സുഹൃത്തുകളേയും പോലീസ് കസ്റ്റഡിയില് എടുത്തിട്ടുണ്ട്.
കണ്ണാറയില് വെച്ച് വാഹനം ഇടിച്ച ശേഷം വാഹനം നിര്ത്താതെ ഓടിച്ചു പോകുകയായിരുന്നു. കാറിന് കേടുപാടുകള് പറ്റിയോയെന്ന് പരിശോധിക്കാന് ഒരു കിലോമീറ്ററിന് ശേഷം നിര്ത്തിയപ്പോള് പിന്തുടര്ന്ന് എത്തിയ നാട്ടുകാര് എഎസ്ഐയേയും കൂട്ടുകാരേയും പിടികൂടുകയായിരുന്നു. മദ്യപിച്ച് വാഹനം ഓടിച്ചതിനും അപകടമുണ്ടാക്കിയതിനും എഎസ്ഐ പ്രദീപിന്റെ പേരില് കേസെടുത്തിട്ടുണ്ട്.
അപകടത്തില് ബൈക്ക് യാത്രികരായ ദമ്പതികള്ക്ക് സാരമായി പരിക്കേറ്റിട്ടുണ്ട്. ചെമ്പൂത്ര സ്വദേശി ലിജിത്ത് ഭാര്യ കാവ്യ എന്നിവര്ക്കാണ് പരിക്കേറ്റത്.
