കോഴിക്കോട്: സംസ്ഥാനത്തെ പോലീസില് നിന്ന് സാധാരണക്കാര്ക്ക് നീതി ലഭിക്കുന്നില്ലെന്നും നിയമപാലകര് യൂണിഫോമിട്ട ക്രിമിനലുകളെപ്പോലെ പെരുമാറുകയാണെന്നും സിപിഎം നേതാവായ കോഴിക്കോട്ടെ ക്രിമിനല് കേസ് അഭിഭാഷകന് എടത്തൊടി രാധാകൃഷ്ണന്. പോലീസിന്റെ ഭാഗത്തുനിന്നുണ്ടണ്ടാകുന്ന ഗുരുതര വീഴ്ചകള് എല്ഡിഎഫിന്റെ ജനകീയ പോലീസ് നയത്തിന് വലിയതരത്തില് ശോഭകെടുത്തുന്നുണ്ടെണ്ടന്നും അദ്ദേഹം വാര്ത്താസമ്മേളനത്തില് പറഞ്ഞു.
സിപിഎം പോഷകസംഘടനയായ ഇന്ത്യന് ലോയേഴ്സ് യൂണിയന് മുന് ജില്ലാ പ്രസിഡന്റും നിലവില് സംസ്ഥാന കൗണ്സില് അംഗവും ജില്ലാ വൈസ്പ്രസിഡന്റുമാണ്. മുമ്പ് കോഴിക്കോട് ജില്ലാ പഞ്ചായത്തില് സിപിഎം പ്രതിനിധിയായിരുന്നു.
അടുത്തയിടെ മൂന്ന് കേസുകളില് തന്റെ കക്ഷികള്ക്ക് പോലീസില് നിന്ന് ദുരനുഭവമുണ്ടണ്ടായെന്ന് അദ്ദേഹം പറഞ്ഞു. ഒരാളെ കള്ളക്കേസില് കുടുക്കി, കോടതിയില് ഞാന് സാക്ഷിയെ ഭീഷണിപ്പെടുത്തിയെന്ന് വ്യാജ ആരോപണമുയര്ത്തി. നിരപരാധികള്ക്കെതിരെ വ്യാജമായി ബലാത്സംഗക്കേസുകള് ചുമത്തിയ സംഭവങ്ങളുമുണ്ടെണ്ടന്നും അഭിഭാഷകന് പറഞ്ഞു.
