തിരുവനന്തപുരം : രാഷ്ട്രപതി, ഗവര്ണര് പദവികള് ഭരണഘടനാ സ്ഥാപനങ്ങളാണെന്നും ഭരണഘടനാ തത്വങ്ങള് എല്ലാവരും പാലിക്കണമെന്ന് ഗവര്ണര് ആരിഫ് മുഹമ്മദ് ഖാന്. രാഷ്ട്രപതി രാംനാഥ് കോവിന്ദിന് ഡിലിറ്റ് നല്കുന്നതുമായി ബന്ധപ്പെട്ട് പ്രതികരിക്കുകയായിരുന്നു അദ്ദേഹം.
വിവാദമുണ്ടാക്കുന്നവര് ഭരണഘടന വായിക്കണം. എല്ലാവരും നിയമവും ഭരണഘടനയും മനസിലാക്കിയാകണം പ്രതികരിക്കേണ്ടത്. അജ്ഞത കൊണ്ട് ചിലര് നടത്തുന്ന പ്രസ്താവനകള്ക്ക് മറുപടി നല്കുന്നില്ല’.
ഡി- ലിറ്റ് വിവാദത്തില് ഇപ്പോള് കൂടുതല് പ്രതികരിക്കുന്നില്ലെന്നും ഗവര്ണറുടെ ഓഫീസിനെ ചര്ച്ചാ വിഷയമാക്കരുതെന്നും അദ്ദേഹം കൂട്ടിച്ചേര്ത്തു. രാഷ്ട്രപതിക്ക് ഓണററി ഡി- ലിറ്റ് നല്കാനുള്ള ശുപാര്ശ സംസ്ഥാന സര്ക്കാര് ഇടപെട്ട് തള്ളിയതാണ് വെളിപ്പെടുത്തലുകളാണ് വിവാദങ്ങള്ക്ക് വഴിവെച്ചത്.
