കല്പ്പറ്റ: ഗോത്ര വിഭാഗങ്ങളെ നിയന്ത്രിത നായാട്ടിന് അനുവദിക്കണമെന്ന്വിവിധ ഗോത്ര സംഘടനകള് ആവശ്യപ്പെടുന്നു വന്യമൃഗ ശല്യം കാരണം വയനാട്ടിലെ ജനങ്ങള് പൊറുതിമുട്ടുന്ന ഈ സാഹചര്യത്തില് വനം വകുപ്പ് എത്ര ശ്രമിച്ചിട്ടും ശാശ്വതപരിഹാരം കണ്ടെത്താനാവുന്നില്ല. പുലി, ആന, കടുവ, പന്നി എന്നിവയുടെ നിരന്തര ശല്യം കാരണം വയനാട്ടില് കാര്ഷികവിളകള് ഇറക്കാന് പറ്റാത്ത സാഹചര്യമാണ്.
പ്രതികൂല കാലാവസ്ഥയും വന്യമൃഗശല്യവും കനത്ത നഷ്ടമാണ് കൃഷിക്കാര്ക്ക് വരുത്തുന്നത്. വയനാട്ടിലെ കുറുക്കന് മൂലയില് ഇറങ്ങിയ പുലിയെ വനംവകുപ്പിന് ഇതുവരെയും പിടികൂടാന് സാധിച്ചിട്ടില്ല. വയനാട്ടിലെ മുളകള് പൂത്തു നശിച്ചത് വന്യമൃഗശല്യത്തിന് ഒരു പ്രധാന കാരണമാണ്.
വനം മുഴുവന് ഇപ്പോള് മുളകള്ക്ക് പകരം കുറ്റി ചെടികളും വള്ളികളും പടര്ന്ന് പന്തലിച്ചിരിക്കുകയാണ്. ഇത് കാരണം മൃഗങ്ങള്ക്ക് ഇരപിടിക്കാന് കഴിയുന്നില്ല. വയനാട്ടില് കുറുക്കന്റെ വംശനാശം പന്നികള് പെറ്റു പെരുകുന്നതിന് കാരണമായി. അക്കേഷ്യ, തേക്ക് തുടങ്ങിയ മരങ്ങള് വച്ചുപിടിപ്പിച്ച് കുരങ്ങുകളുടെ ആവാസ് വ്യവസ്ഥയെ താളം തെറ്റിച്ചു. അവ നാട്ടിന്പുറങ്ങളില് സ്ഥിരതാമസമാക്കി. എവിടെയെങ്കിലും ഒരു കുരങ്ങ് ചത്താല് വനം വകുപ്പിന്റെ അന്വേഷണവും ശല്യവും കുരങ്ങുകളെ നാട്ടില് നിന്നും അകറ്റുന്നതിന് ജനങ്ങള്ക്ക് ഭയമായി.
വയനാട്ടിലെ കുറുമ, കുറിച്ച്യ ഗോത്രവര്ഗങ്ങളുടെ പരമ്പരാഗത നായാട്ട് വന്യമൃഗങ്ങളെ നാട്ടില് നിന്ന് അകറ്റുന്നതിന് ഒരു പരിഹാരം ആയിരുന്നു. മാസത്തില് ഒന്നോര ണ്ടോ പ്രത്യേക സമയത്ത് മാത്രം അമ്പും, വില്ലും ഉപയോഗിച്ച് കാടിളക്കിയുള്ള നായാട്ട് മൃഗങ്ങളെ ഉള്വനത്തിലേക്ക് വലിയാന് ഇടയാക്കും. തമിഴ്നാട്ടിലെ നീലഗിരി മുതല് കര്ണാടകയിലെ കുടക് അതിര്ത്തിവരെ ഗോത്രജനത താമസിച്ചുവരുന്നു.കൃഷിയും മീന്പിടുത്തവും നായാട്ടും ആയിരുന്നു ഇവരുടെ ഉപജീവന മാര്ഗങ്ങള്. അന്നൊക്കെ ഇത്തരം മൃഗശല്യങ്ങള് ഒന്നും തന്നെ വയനാട്ടില് ഉണ്ടായിരുന്നില്ല.
കാടിനെയും മൃഗങ്ങളെയും അവര് സംരക്ഷിക്കുകയും ചെയ്തു വന്നിരുന്നു. ഭക്ഷണത്തിന് ആവശ്യമായ ഒരു മൃഗത്തെ മാത്രം കൊല്ലുകയാണ് പതിവ്. മൃഗസംരക്ഷണവും വനവാസി വിഭാഗങ്ങള് കാട്ടില് കയറാനുള്ള അനുവാദം നിഷേധിക്കപ്പെട്ടു. അവരുടെ ആചാരപ്രകാരം നടത്തിവരുന്ന ഉത്സവമായ തുലാം പത്ത്, ഉച്ചാല് എന്നിവയ്ക്ക് പോലും നായാട്ട് നിഷേധിക്കപ്പെട്ടു. വനംവകുപ്പിന് അനുവാദത്തോടെ ഗോത്രവര്ഗ്ഗക്കാരുടെ നായാട്ട് മാസത്തില് ഒന്നോ രണ്ടോ എന്ന വ്യവസ്ഥയില് അനുവദിച്ചാല് മൃഗങ്ങളെ വനത്തിലേക്ക് തുരത്തി കൃഷിക്കാരെയും ജനങ്ങളെയും രക്ഷിക്കാന് കഴിയുംമെന്ന് വനവാസി വികാസ കേന്ദ്രം സംസ്ഥാന അധ്യക്ഷന് കെ.സി. പൈതല് പറഞ്ഞു.
