വിശ്വ സുന്ദരീ കിരീടം കരസ്ഥമാക്കുന്ന മൂന്നാമത്തെ ഇന്ത്യക്കാരിയാണ് ഹര്നാസ് സന്ദു എന്ന ഹര്നാസ് കൗര് സന്ദു. . 21 വര്ഷത്തിന് ശേഷമാണ് ഇന്ത്യയിലേയ്ക്ക് മിസ് യൂണിവേഴ്സ് കിരീടം എത്തുന്നത്. 2000ല് ലാറാ ദത്തയാണ് ഇതിന് മുമ്പ് അവസാനമായി ഇന്ത്യയെ പ്രതിനിധീകരിച്ച് മിസ് യൂണിവേഴ്സ് കിരീടം സ്വന്തമാക്കിയത്. 1994 സുസ്മിതാ സെന്നും കിരീടമണിഞ്ഞു.
21 കാരിയായ ഹര്നാസ് മോഡലിംഗ് രംഗത്ത് സജീവമായിരുന്നു. രണ്ട് പഞ്ചാബി സിനിമകളില് അഭിനയിച്ചു. ലിവ മിസ് ദിവാ യൂണിവേഴ്സ് 2021 കിരീടം സ്വന്തമാക്കിയാണ് വിശ്വ സുന്ദരി വേദിയില് എത്തിയത്.
21 വര്ഷങ്ങള്ക്ക് ശേഷം ഇന്ത്യയിലേയ്ക്ക് കിരീടം എത്തിക്കാനായ അഭിമാനകരമായ നിമിഷമാണിത്. മാതപിതാക്കള്ക്കും തനിക്ക് വേണ്ടി പ്രാര്ത്ഥിക്കുകയും ആശംസിക്കുകയും ചെയ്ത എല്ലാവര്ക്കും നന്ദി അറിയിക്കുന്നതായും ഹര്നാന് പറഞ്ഞു.
ഇസ്രായേലിലെ എയ്ലാത്തില് നടന്ന മത്സരത്തില് 79 രാജ്യങ്ങളില് നിന്നുള്ള മത്സരാര്ത്ഥികളെ പിന്തള്ളിയാണ് ഹര്നാസ് കിരീടം സ്വന്തമാക്കിയത്. 22 കാരിയായ പരാഗ്വയുടെ നൈദ ഫെരൈരയാണ് ഫസ്റ്റ് റണ്ണറപ്പ്. സൗത്ത് ആഫ്രിക്കയുടെ ലലേല സ്വേനെ സെക്കന്റ് റണ്ണറപ്പായും തെരഞ്ഞെടുത്തു.
