വിശ്വ സുന്ദരീ കിരീടം കരസ്ഥമാക്കി ഇന്ത്യാക്കാരി. പഞ്ചാബ് സ്വദേശിനിയായ 21 കാരി ഹര്നാസ് കൗര് സന്ദുവാണ് മിസ് യൂണിവേഴ്സ് 2021 കിരീടമണിഞ്ഞത്. 21 വര്ഷത്തിന് ശേഷമാണ് ഇന്ത്യയിലേയ്ക്ക് മിസ് യൂണിവേഴ്സ് കിരീടം എത്തുന്നത്.
2000ല് ലാറാ ദത്തയാണ് ഇതിന് മുമ്പ് അവസാനമായി ഇന്ത്യയെ പ്രതിനിധീകരിച്ച് മിസ് യൂണിവേഴ്സ് കിരീടം സ്വന്തമാക്കിയത്. 1994 സുസ്മിതാ സെന്നും കിരീടമണിഞ്ഞു. വിശ്വ സുന്ദരിയായി തെരഞ്ഞെടുക്കപ്പെട്ട മൂന്നാമത്തെ ഇന്ത്യക്കാരിയാണ് ഹര്നാസ് കൗര് സന്ദു.
ഇസ്രായേലിലെ എയ്ലാത്തില് നടന്ന മത്സരത്തില് 79 രാജ്യങ്ങളില് നിന്നുള്ള മത്സരാര്ത്ഥികളെ പിന്തള്ളിയാണ് ഹര്നാസ് കിരീടം സ്വന്തമാക്കിയത്.
