ഊട്ടി കൂനൂരില് ഹെലികോപ്റ്റര് അപകടത്തില് മരിച്ച സംയുക്ത സേനാ മേധാവി ജനറല് ബിപിന് റാവത്ത് ഉള്പ്പെടെയുള്ള സൈനികര്ക്ക് അന്ത്യാഞ്ജലി അര്പ്പിച്ച് രാജ്യം. ഊട്ടി വെല്ലിങ്ടന് മദ്രാസ് റെജിമെന്റ് സെന്ററിലാണ് പൊതുദര്ശനം . തമിഴ്നാട് ഗവര്ണര് ആര്.എന്.രവി, മുഖ്യമന്ത്രി എം.കെ.സ്റ്റാലിന്, മറ്റു സൈനിക ഉദ്യോഗസ്ഥര് എന്നിവര് പങ്കെടുത്തു. സംയുക്ത സേനാ മേധാവി ജനറല് ബിപിന് റാവത്തിന്റെയും ഭാര്യ മധുലിക റാവത്തിന്റെയും സംസ്കാരം നാളെ ഡല്ഹിയില് നടത്തും. മൃതദേഹങ്ങള് ഇന്ന് ഡല്ഹിയിലെത്തിക്കും. മറ്റു സൈനികരുടെ മൃതദേഹം വെല്ലിഗ്ടണ് മദ്രാസ് റെജിമെന്റ് സെന്ററിലെ പൊതുദര്ശനത്തിനു ശേഷം സ്വദേശങ്ങളിലേക്ക് കൊണ്ടുപോകും.
ബിപിന് റാവത്ത്, ഭാര്യ മധുലിക റാവത്ത്, ബ്രിഗേഡിയര് എല്.എസ്.ലിദ്ദര്, ലഫ്. കേണല് ഹര്ജിന്ദര് സിങ്, ഹവില്ദാര് സത്പാല്, നായിക്കുമാരായ ഗുര്സേവക് സിങ്, ജിതേന്ദ്ര കുമാര്, ലാന്സ് നായികുമാരായ വിവേക് കുമാര്, ബി.സായ് തേജ എന്നിവരാണ് അപകടത്തില് മരിച്ചത്. ഗ്രൂപ്പ് ക്യാപ്റ്റന് വരുണ് സിങ് ഗുരുതര പരുക്കുകളോടെ രക്ഷപ്പെട്ടു. വരുണ് വെന്റിലേറ്ററിലാണ്.
