ഇറ്റാനഗര് (അരുണാചല് പ്രദേശ്): ഭാരത-ചൈനീസ് അതിര്ത്തി ഗ്രാമമായ കെപാങ് ലാ പാസിലേക്ക് ഗ്രാമീണര്ക്ക് തീര്ത്ഥാടന സൗകര്യമൊരുക്കി സൈന്യം. ഭാരതത്തിന്റെ ആദ്യ ഗ്രാമം എന്ന് അറിയപ്പെടുന്ന കെപാങ് ലാ പാസിലേക്കാണ് സൈന്യത്തിന്റെ സ്പിയര്ഹെഡ് ഡിവിഷന്റെ നേതൃത്വത്തില് ഗെല്ലിങ് നിവാസികളായ നൂറുകണക്കിന് ആളുകള് തീര്ത്ഥാടനക്കിനായെത്തിയത്.
വിശ്വാസം, സാംസ്കാരിക പൈതൃകം എന്നിവ പ്രോത്സാഹിപ്പിക്കുന്നതിനും അതിര്ത്തി സമൂഹങ്ങളുമായുള്ള ബന്ധം ശക്തിപ്പെടുത്തുന്നതിനുമുള്ള സൈന്യത്തിന്റെ പദ്ധതിയുടെ ഭാഗമാണിത്. ഹിമാലയന് ഭൂപ്രകൃതി നിലനില്ക്കുന്ന ഈ മേഖലയിലേക്കുള്ള തീര്ത്ഥാടനത്തിന്റെ ഭാഗമായി ഗ്രാമീണര് പരമ്പരാഗത ധൂമപ്രാര്ത്ഥനയില് പങ്കെടുത്തു. സമാധാനവും ഐക്യവും സമൃദ്ധിയും ഉറപ്പാക്കാന് പ്രത്യേക പ്രാര്ത്ഥനകളും നടന്നു.
വിദൂര അതിര്ത്തി ഗ്രാമങ്ങളുമായുള്ള ജനങ്ങളുടെ ബന്ധം മെച്ചപ്പെടുത്തുന്നതിനും സാംസ്കാരിക പാരമ്പര്യങ്ങള് സംരക്ഷിക്കുന്നതിനും ലക്ഷ്യമിടുന്ന പ്രതിരോധ മന്ത്രാലയത്തിന്റെ വൈബ്രന്റ് വില്ലേജസ് പ്രോഗ്രാമിന് കീഴിലാണ് പരിപാടി നടത്തിയത്. തീര്ത്ഥാടനം സാധ്യമാക്കിയതിന് പ്രദേശവാസികള് ഇന്ത്യന് സൈന്യത്തോട് നന്ദി പറഞ്ഞു,
