തിരുവല്ല : തിരുവല്ല പീഡനവുമായി ബന്ധപ്പെട്ട് ഡിവൈഎഫ്ഐ നേതാവിനെ പാര്ട്ടിയില് നിന്നും പുറത്താക്കി വിവാദത്തില് നിന്നും തലയൂരാന് നീക്കവുമായി സിപിഎം. യുവതിയെ പീഡിപ്പിച്ച ശേഷം നഗ്ന ചിത്രങ്ങള് പകര്ത്തി പ്രചരിപ്പിച്ച നാസറിനെതിരെയാണ് നടപടി കേസിലെ രണ്ടാം പ്രതിയാണ് നാസര്.
വ്യാഴാഴ്ച ചേര്ന്ന സിപിഎം പത്തനംതിട്ട ജില്ലാ സെക്രട്ടേറിയറ്റിലാണ് നാസറിനെ പുറത്താക്കാന് തീരുമാനിച്ചത്. സിപിഐഎം കാന്ഡിഡേറ്റ് അംഗവും ഡിവൈഎഫ്ഐ യൂണിറ്റ് സെക്രട്ടറിയുമാണ് നാസര്. സംഭവത്തില് പാര്ട്ടി തല അന്വേഷണം നടത്താനും സിപിഐഎം തീരുമാനിച്ചിട്ടുണ്ട്.
അതേസമയം തിരുവല്ല കോടാലി ബ്രാഞ്ച് സെക്രട്ടറി സി.സി. സജിമോനാണ് കേസിലെ മുഖ്യപ്രതി. ഇയാള്ക്കെതിരെ നടപടിയെടുത്തിട്ടില്ല. ജില്ലാ കമ്മിറ്റി യോഗം ചേര്ന്നെങ്കിലും നാസറിനെതിരെ മാത്രമാണ് നടപടി സ്വീകരിക്കാന് തീരുമാനിച്ചത്.
ഒരുവര്ഷം മുമ്പാണ് കേസിനാസ്പദമായ സംഭവം നടന്നത്. കാറില് വച്ച് യുവതിക്ക് ജ്യൂസ് നല്കി മയക്കി പീഡിപ്പിച്ച ശേഷം നഗ്നചിത്രം പകര്ത്തുകയായിരുന്നു. സംഭവത്തിന് പിന്നാലെ യുവതിയോട് പ്രതികള് രണ്ടുലക്ഷം ആവശ്യപ്പെട്ട് നിരന്തരം ബന്ധപ്പെട്ടു. സംഭവത്തില് സജിമോന്, നാസര് എന്നിവരുള്പ്പെടെ 12 പേരാണ് പോലീസിന്റെ പ്രതിപ്പട്ടികയില് ഉള്ളത്.
