കൊച്ചി: മത്സ്യതൊഴിലാളി ദിനത്തോട് അനുബന്ധിച്ച് കേരള പ്രദേശ് മത്സ്യതൊഴിലാളി സംഘം (ബിഎംഎസ്) നേതൃത്വത്തില് കേന്ദ്രമന്ത്രി ഡോ. എല്. മുരുകന് സ്വീകരണവും മത്സ്യതൊഴിലാളി സംഗമവും സംഘടിപ്പിക്കുന്നു. 22ന് വൈകുന്നേരം 3.30ന് മുനമ്പം ഫിഷിങ് ഹാര്ബറിന് സമീപം നടക്കുന്ന മത്സ്യതൊഴിലാളി സംഗമം കേന്ദ്രമന്ത്രി ഡോ.എല്. മുരുകന് ഉദ്ഘാടനം ചെയ്യുമെന്ന് ഭാരവാഹികള് അറിയിച്ചു.
സംഘാടക സമിതി ചെയര്മാന് എ.ഡി. ഉണ്ണികൃഷ്ണന് അധ്യക്ഷത വഹിക്കും. ബിഎംഎസ് ദക്ഷിണ ഭാരത ഓര്ഗനൈസിങ് സെക്രട്ടറി എസ്. ദുരൈരാജ്, ബിഎംഎസ് സംസ്ഥാന വൈസ് പ്രസിഡന്റ് എം.പി. ചന്ദ്രശേഖരന്, അഖിലഭാരതീയ മത്സ്യതൊഴിലാളി ഫെഡറേഷന് ജനറല് സെക്രട്ടറി പി. ജയപ്രകാശ്, ബിഎംഎസ് ജില്ലാ പ്രസിഡന്റ് കെ. വിനോദ്കുമാര്, സെക്രട്ടറി ധനീഷ് നീറിക്കോട്, കേരള മത്സ്യതൊഴിലാളി ഫെഡറേഷന് സംസ്ഥാന ജനറല് സെക്രട്ടറി സി.എസ്. സുനില് എന്നിവര് പങ്കെടുക്കുമെന്നും ഭാരവാഹികള് പറഞ്ഞു. പത്രസമ്മേളനത്തില് ബിഎംഎസ് സംസ്ഥാന വൈസ് പ്രസിഡന്റ് എം.പി. ചന്ദ്രശേഖരന്, ധനീഷ് നീറിക്കോട്, എ.ഡി. ഉണ്ണികൃഷ്ണന്, സി.എസ്. സുനില്, കെ.എസ്. അനില്കുമാര് എന്നിവര് പങ്കെടുത്തു.
