ശ്രീനഗര്‍ : മരണാനന്തര ചടങ്ങുകള്‍ക്കായി സൂക്ഷിച്ചിരുന്ന പണം നഷ്ടപ്പെട്ട വൃദ്ധനായ തെരുവ് കച്ചവടക്കാരന് സഹായവുമായി ഐപിഎസ് ഓഫീസര്‍. അബ്ദുള്‍ റഹ്മാന്(90) എന്ന കടല വില്‍പ്പനക്കാരന്റെ ആയുഷ്‌കാല സമ്പാദ്യം കഴിഞ്ഞ ദിവസം മോഷ്ടാക്കള്‍ കവര്‍ന്നിരുന്നു. ഇത് മാധ്യമങ്ങളില്‍ വാര്‍ത്തയായതോടെ ശ്രീനഗര്‍ എസ്എസ്പി സന്ദീപ് ചൗധരി ഐപിഎസ് സഹായവുമായി എത്തുകയായിരുന്നു.
കഴിഞ്ഞ ശനിയാഴ്ച ശ്രീനഗര്‍ ബൊഹരി കദല്‍ മേഖലയിലെ തെരുവില്‍ കടല വിറ്റിരുന്ന അബ്ദുള്‍ റഹ്‌മാനെ കള്ളന്മാര്‍ മര്‍ദ്ദിച്ച് പണവുമായി കടക്കുകയായിരുന്നു. പണം മോഷണം പോയാലോയെന്ന് ഭയന്ന് ഇയാള്‍ പണം കൈയ്യില്‍ തന്നെ കരുതുകയായിരുന്നു.
മാധ്യമങ്ങളിലൂടെ ഇക്കാര്യം അറിഞ്ഞതിന് പിന്നാലെ സന്ദീപ് ചൗധരി സ്വന്തം കയ്യില്‍നിന്ന് അബ്ദുള്‍ റഹ്മാന് പണം നല്‍കുകയായിരുന്നു. ഇതോടെ സന്ദീപിന് സമൂഹ മാധ്യമങ്ങളിലും മറ്റും അഭിനന്ദന പ്രവാഹമാണ്. മോഷണത്തില്‍ കേസ് രജിസ്റ്റര്‍ ചെയത് പോലീസ് അന്വേഷണവും ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: