നവാഗത സംവിധായകന് രാഹുല് ഗോപാല് തിരക്കഥയെഴതി സംവിധാനം ചെയ്യുന്ന ചിത്രമാണ് സതീശന്റെ മോന്. ചിത്രത്തിന്റെ നായക സ്ഥാനത്തു നിന്നും ജോമോന് ജോഷിയെ പുറത്താക്കിയതാണോ എന്നാണ് സോഷ്യല് മീഡിയയിലെ ചര്ച്ച. പുതുമുഖങ്ങളെ അണിനിരത്തിയാണ് ചിത്രം ഒരുങ്ങുന്നത്. ജോമോനെയാണ് നായകനായി നിശ്ചയിച്ചിരുന്നത്. എന്നാല് അദ്ദേഹം ഇപ്പോള് ഈ ചിത്രത്തില് നിന്നും പിന്മാറിയിരിക്കുകയാണ്. സ്വയം പിന്മാറുകയാണെന്നാണ് താരം സോഷ്യല് മീഡിയയിലൂടെ അറിയിച്ചത്. തന്നെ ആരും സിനിമയില് നിന്നും പുറത്താക്കിയതല്ലെന്നും താന് സ്വയം സിനിമയില് നിന്നും പിന്മാറിയതാണെന്നുമാണ് ജോമോന് ജോഷി അറിയിച്ചത്. എന്നാല് അതല്ല അദ്ദേഹത്തെ പുറത്താക്കിയതാണെന്ന തരത്തിലും വാര്ത്തകള് വരുന്നുണ്ട്.
ജോമോനു പകരം വിയാന് മംഗലശ്ശേരിയാണ് സതീശന്റെ മോനിലെ നായകന്. പുതുമുഖ താരം കര്ത്തവ്യ മോഹനനാണ് നായിക. കിഷോര് ദേവ് കുത്തന്നൂര് ആണ് ചിത്രം നിര്മിക്കുന്നത്. പാലക്കാടും പരിസര പ്രദേശങ്ങളിലുമായി ചിത്രീകരണം നടന്നുകൊണ്ടിരിക്കുന്ന സിനിമയുടെ ആദ്യ ഷെഡ്യൂള് മഴ മൂലം നിര്ത്തി വെച്ചിരിക്കുകയാണ്.
കോമഡിക്കും പ്രണയത്തിനും പ്രാധാന്യം നൽകി ചെയ്യുന്ന ചിത്രത്തില് പുതുമുഖങ്ങള്ക്കു പുറമെ പ്രമുഖ താരങ്ങളും വേഷമിടുന്നുണ്ട്. ചിത്രം 2022 മാര്ച്ചില് വിവിധ തീയേറ്ററുകളിലൂടെയും ഒടിടി പ്ലാറ്റ് ഫോമുകളിലൂടെയും റിലീസ് ചെയ്യാനാണ് അണിയറപ്രവര്ത്തകരുടെ തീരുമാനം.
