മാഡ്രിഡ്: എല് ക്ലാസിക്കോയില് ബാഴ്സലോണ റയല് മാഡ്രിനോട് തോറ്റതിനെ തുടര്ന്ന് കോപാകുലരായ ആരാധകര് ബാഴ്സ പരിശീലകന് റൊണാള്ഡ്് കോമാനെ മാനസികമായി പീഡിപ്പിച്ചു. ന്യൂകാമ്പില് നടന്ന എല് ക്ലാസിക്കോയില് ഒന്നിനെതിരെ രണ്ട് ഗോളുകള്ക്കാണ് ബാഴ്സ റയല് മാഡ്രിഡിന് കീഴടങ്ങിയത്.
മത്സരശേഷം കാറില് കയറി ന്യുകാമ്പ് വിടാനൊരുങ്ങിയ കോമാനെ ബാഴ്സ ആരാധകര് കാര് തടഞ്ഞു നിര്ത്തി ചീത്തവിളിച്ചു. ചിലര് ശക്തമായി കാറില് അടിക്കുകയും ചെയ്തു.
അലാബ, ലുകാസ് എന്നിവരുടെ ഗോളുകളിലാണ് റയല് ബാഴ്സയെ തോല്പ്പിച്ചത്. സെര്ജി അഗ്യൂറോയാണ് ബാഴ്സയുടെ ഏക ഗോള് നേടിയത്. സൂപ്പര് സ്റ്റാര് ലയണല് മെസി ക്ലബ്ബ് വിട്ടുപോയശേഷം ബാഴ്സലോണയുടെ മറ്റൊരു വേദനാജനകമായ തോല്വിയാണിത്.
