തിരുവനന്തപുരം: ഭൂരിഭാഗം വരുന്ന ‘സവര്ണ്ണ/ ബ്രാഹ്മണ’ ജഡ്ജിമാര് ‘മുസ്ലിം’ മാധ്യമ പ്രവര്ത്തകനായ സിദ്ദിഖ് കാപ്പനോട് കരുണ കാട്ടണം എന്ന രാഹുല് ഈശ്വറിന്റെ ട്വീറ്റ് വിവാദത്തില്. സമ്പൂര്ണ്ണ ജിഹാദിയായ സിദ്ദിഖ് കാപ്പന് വേണ്ടി കേണു കരഞ്ഞു കൊണ്ട് ഉള്ള ട്വീറ്റിനെതിരെ പ്രതിഷേധവും ഉയരുന്നുണ്ട്. നിര്ണ്ണായക സമയത്തെല്ലാം ഹിന്ദു വിരുദ്ധ നിലപാട് സ്വീകരിച്ചിട്ടുള്ള രാഹുലിനെതിരെ നിയമ നടപടിക്കും ഒരുങ്ങുന്നുണ്ട്. രാജ്യത്തെ നീതിന്യായ വ്യവസ്ഥ ജഡ്ജിമാരുടെയും കക്ഷികളുടെയും ജാതിയും മതവും രാഷ്ട്രീയവും നോക്കി പ്രവര്ത്തിക്കുന്ന ഒരു സമ്പ്രദായം അല്ല. അതുകൊണ്ടുതന്നെ
പ്രസ്താവന തികച്ചും അപകടകരവും ഗുരുതരമായ കോടതിയലക്ഷ്യവും ആണ്. നടത്തിയത് ആര്ക്കുവേണ്ടി എന്ന ചോദ്യമാണ് ഉയരുന്നത്. സിദ്ദിഖ് കാപ്പന് യുഎപിഎ ചാര്ത്തപ്പെട്ടു അകത്തു കിടക്കുന്ന ജിഹാദിയാണ്. ആയിരക്കണക്കിന് പേജ് വരുന്ന രാജ്യദ്രോഹ കുറ്റം ഉള്പ്പെടെ അതി ഗൗരവമായ കുറ്റങ്ങള് ചാര്ത്തിയ കുറ്റപത്രമാണ് പോലീസ് സമര്പ്പിച്ചത്.
പത്രപ്രവര്ത്തക യൂണിയനും കൂട്ടാളികളും സുപ്രീം കോടതി ,ഹൈക്കോടതി , സെഷന്സ് കോടതി ,മജിസ്ട്രേറ്റ് കോടതി തുടങ്ങിയ എല്ലാ കോടതികളിലും ഒരു വര്ഷമായി തലകുത്തി മറിഞ്ഞിട്ടും കാപ്പനെ മോചിപ്പിക്കാനാകാത്തത് കുറ്റപത്രത്തില് അടങ്ങിയ കാര്യങ്ങളുടെ ഗൗരവ സ്വഭാവം കൊണ്ടാണ്. അതൊക്കെ അറിയാമായിരുന്ന രാഹിലുന്റേത് ജിഹാദികളോടുള്ള വിധേയത്വവും അടിമത്വവും ആണെന്നും ഹിന്ദു മതം ഉപേക്ഷിച്ചു ഇസ്ലാം സ്വീകരിച്ചു ഉത്തമ ഇസ്ലാമായി ശിഷ്ടകാലം ജീവിക്കാന് തീരുമാനിക്കണം എന്നും ഒക്കെയുള്ള വിമര്ശനങ്ങളാണ് വരുന്നത്.
