ന്യൂദല്‍ഹി : കോവിഡ് -19 നെതിരായ നമ്മുടെ ശ്രമങ്ങളെ വിഘ്‌നേശ്വരന്‍ വിജയകരമാക്കും. ജനങ്ങള്‍ക്ക് വിനായക ചതുര്‍ത്ഥി ആശംസകള്‍ നേര്‍ന്ന് രാഷ്ട്രപതി രാംനാഥ് കോവിന്ദ്. രാജ്യമെമ്പാടും നടപ്പാക്കിയ കോവിഡ് -19 പ്രോട്ടോക്കോളുകള്‍ പിന്തുടരണമെന്നും അദ്ദേഹം ട്വിറ്ററിവൂടെ അഭ്യര്‍ത്ഥിച്ചു.
ഗണപതി ബപ്പ മോര്യ! ഗണേശ ചതുര്‍ത്ഥി ദിനത്തില്‍ എല്ലാവര്‍ക്കും ഹൃദയം നിറഞ്ഞ ആശംസകള്‍. കോവിഡ് -19 നെതിരായ നമ്മുടെ ശ്രമങ്ങളെ വിഘ്‌നഹര്‍ത്ത ഗണേശന്‍ വിജയകരമാക്കുമെന്നും സന്തോഷത്തോടെയും സമാധാനത്തോടെയും എല്ലാവരെയും അനുഗ്രഹിക്കുമെന്നും ആശംസിക്കുന്നു.
വരൂ, നമുക്കെല്ലാവര്‍ക്കും ഉത്സവം ആഘോഷിക്കുമ്പോള്‍ കോവിഡ് നിയമങ്ങള്‍ പാലിക്കാമെന്നായിരുന്നു രാഷ്‌ട്രപതിയുടെ ട്വീറ്റ്. ഹിന്ദിയിലാണ് രാം നാഥ് കോവിന്ദിന്റെ ആശംസാ സന്ദേശം.
