ന്യൂദല്ഹി: അഫ്ഗാനിസ്ഥാനില് ഇരുപതു വര്ഷം കൊണ്ടു നിര്മിച്ചതെല്ലാം നഷ്ടപ്പെട്ടെന്ന് ഇന്ത്യന് സംഘത്തിനൊപ്പം കാബൂളില് നിന്നെത്തിയ അഫ്ഗാന് എംപി നരീന്ദര് സിങ് ഖല്സ. എല്ലാം ശൂന്യമായിരിക്കുന്നെന്നും അദ്ദേഹം കണ്ണീരോടെ പറഞ്ഞു. ഇന്ത്യന് പൗരന്മാരോടൊപ്പം വ്യോമസേന വിമാനത്തില് ദല്ഹിയിലെത്തിയതാണ് നരീന്ദര് സിങ് ഖല്സ. ഹിന്ഡന് വ്യോമത്താവളത്തില് മാധ്യമപ്രവര്ത്തകരോട് സംസാരിക്കവെ കരഞ്ഞുകൊണ്ടാണ് നരീന്ദര് സിങ് സംസാരിച്ചത്.
പ്രധാനമന്ത്രി നരേന്ദ്ര മോദിക്ക് നരീന്ദര് നന്ദിയറിയിച്ചു. ഇന്ത്യക്കാര്ക്കൊപ്പം അഫ്ഗാനിലെ സിഖ് സമൂഹത്തേയും രക്ഷിക്കാന് മോദിയാണ് നടപടി സ്വീകരിച്ചതെന്ന് ശനിയാഴ്ച രാത്രി കാബൂള് വിമാനത്താവളത്തില് നിന്ന് പോസ്റ്റ് ചെയ്ത വിഡിയോ സന്ദേശത്തില് നരീന്ദര് പറഞ്ഞു. രണ്ട് എംപിമാരുള്പ്പെടെ സിഖ് വംശജരായ 24 പേരെയാണ് ഇന്ത്യ രക്ഷിച്ച് ദല്ഹിയില് എത്തിച്ചത്.
വിമാനത്താവളത്തിലെത്താന് തുടര്ച്ചയായി ശ്രമിക്കുകയായിരുന്നെന്നും എന്നാല് സാധിച്ചില്ലെന്നും മടങ്ങിയെത്തിയ ഒരു സിഖ് യാത്രക്കാരന് പറഞ്ഞു. താലിബാന് ക്രൂരമായാണ് പെരുമാറിയത്. നിരവധി പ്രതിസന്ധികള് കടന്നാണ് എത്തിയതെന്നും അദ്ദേഹം പറഞ്ഞു.
