ന്യൂദല്‍ഹി: കേരളത്തില്‍ കൊറോണ വ്യാപനം ഉയരുന്ന സാഹചര്യത്തില്‍ പ്രതിരോധ നടപടികള്‍ നേരിട്ട് വിലയിരുത്താന്‍ കേന്ദ്ര ആരോഗ്യമന്ത്രി മന്‍സുഖ് മാണ്ഡവ്യ കേരളത്തിലേയ്ക്ക്. തിങ്കളാഴ്ച അദേഹം കേരളത്തിലെത്തുമെന്നാണ് ലഭിക്കുന്ന വിവരം. കേന്ദ്ര ആരോഗ്യ സെക്രട്ടറി രാജേഷ് ഭൂഷണ്‍ എന്‍സിഡിസി തലവന്‍ എന്നിവര്‍ അദേഹത്തെ അനുഗമിക്കും.
കേന്ദ്ര സര്‍ക്കാര്‍ പുറത്തുവിട്ട കണക്കുകള്‍ പ്രകാരം 40,120 ആണ് രാജ്യത്ത് കഴിഞ്ഞ 24 മണിക്കൂറിനുള്ളില്‍ രോഗബാധിതരായത്. കേരളത്തില്‍ ഇന്ന് 20,452 പേര്‍ക്കാണ് കൊറോണ സ്ഥിരീകരിച്ചത്. അതായത് രാജ്യത്ത് സ്ഥിരീകരിക്കുന്നതില്‍ പകുതിയില്‍ അധികവും റിപ്പോര്‍ട്ട് ചെയയ്യുന്നത് കേരളത്തിലാണ്.
കേരളത്തില്‍ ടെസ്റ്റ് പോസിറ്റിവിറ്റി നിരക്ക് 14.35 ശതമാനമാണ്. രാജ്യത്ത് 2.13 ശതമാനവും. സംസ്ഥാനത്ത് കഴിഞ്ഞ ദിവസങ്ങളിലുണ്ടായ 114 മരണങ്ങളാണ് കോവിഡ്19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 18,394 ആയി.
