ന്യൂദല്ഹി: ആഡംബര വാഹനകമ്പനിയായ മസെററ്റി ഇന്ത്യയില് അവരുടെ സാന്നിധ്യം വര്ധിപ്പിക്കാന് ലക്ഷ്യമിടുന്നു. ഇന്ത്യയുടെ രണ്ട്, മൂന്ന് ശ്രേണികളില്പ്പെട്ട നഗരങ്ങളിലേക്ക് വളരാനാണ് മസെററ്റിയുടെ ശ്രമം.
വില്പനനാന്തര സേവനം മെച്ചപ്പെടുത്തുകയും മൊത്തത്തിലുള്ള സേവനപിന്തുണ മെച്ചപ്പെടുത്താനും ഉപഭോക്താക്കള്ക്ക് മികച്ച അനുഭവം നല്കാനും കമ്പനി ലക്ഷ്യമിടുന്നു. ഇന്ത്യയിലെ ചെറുകിട നഗരങ്ങളില് മസെററ്റിക്കുള്ള ഡിമാന്റ് വര്ധിക്കുന്നതായി കാണുന്നുവെന്ന് മസെററ്റിയുടെ ഏഷ്യാ പസഫിക് മേധാവി ബൊജന് ജന്കുലോവ്സ്കി പറഞ്ഞു. 1.15 കോടി രൂപ മുതല് 3.5 കോടി രൂപ വരെയാണ് കാര് വില.
അങ്ങേയറ്റം വൈവിധ്യമാര്ന്ന രാജ്യമായ ഇന്ത്യയിലെ രണ്ട്, മൂന്ന് ശ്രേണിയില്പ്പെട്ട നഗരങ്ങളെയാണ് ലക്ഷ്യമിടുന്നതെന്നും അദ്ദേഹേം പറഞ്ഞു. രണ്ടാം ശ്രേണിയില്പ്പെട്ട നഗരങ്ങളായ ഇന്ഡോര്, ഭോപാല്, ചണ്ഡീഗഡ്, ഗോവ, മാംഗളൂരു, ലഖ്നോ, കാണ്പൂര് എന്നിവിടങ്ങളില് മസെററ്റിക്ക് പുതിയ ആവശ്യക്കാര് കൂടിവരുന്നുണ്ട്.
ഇന്ത്യന് വിപണിയില് വലിയ ആത്മവിശ്വാസവും അതിനോട് വലിയ ബഹുമാനവും ജന്കുലോവ്സ്കി പ്രകടിപ്പിക്കുന്നു. മസറെറ്റിയുടെ ഉല്പന്ന ശ്രേണിയും ഇന്ത്യയുടെ ഉപഭോക്താക്കള്ക്ക് ചേരുന്നതാണ്. കഴിഞ്ഞ കുറെ വര്ഷങ്ങളായി മസെററ്റി രണ്ടാം ശ്രേണിയില്പ്പെട്ട നഗരങ്ങളില് വലിയ ഡിമാന്റിന് സാക്ഷ്യം വഹിക്കുന്നതായും ജന്കുലോവ്സ്കി പറയുന്നു.
ഭാവിയില് ഇന്ത്യയില് കൂടുതല് വിലപിടിച്ച ആഡംബര വാഹനങ്ങള്ക്ക് ഡിമാന്റ് കൂടുമെന്നും അദ്ദേഹം ആത്മവിശ്വാസം പ്രകടിപ്പിച്ചു.
