കോഴിക്കോട് : മുസ്ലിം ലീഗ് പാര്‍ട്ടിക്ക് ഒന്നും മറച്ചുവെയ്ക്കാനില്ല. ഗുണപരമല്ലാത്തത് ഒന്നും പാര്‍ട്ടിക്കുള്ളില്‍ നടക്കുന്നില്ലെന്ന് എം.കെ. മുനീര്‍ എംഎല്‍എ. മാധ്യമ പ്രവര്‍ത്തകരോട് പ്രതികരിക്കുകയായിരുന്നു അദ്ദേഹം.
ഉന്നതാധികാര സമിതിയേക്കാള്‍ പ്രാധാന്യമുള്ളത് പ്രവര്‍ത്തക സമിതിക്കാണ്. 14-ാം തിയതി പ്രവര്‍ത്തക സമിതി ചേരും. ഈ സമിതിയിലേക്കുള്ള അജണ്ട നിശ്ചയിക്കുന്നതിനും ഭാവിയില്‍ പാര്‍ട്ടി എങ്ങനെ മുന്നോട്ടു പോകണം എന്ന് തീരുമാനിക്കുന്നതിനും വേണ്ടിയാണ് സമിതി ചേര്‍ന്നത്.
അതേസമയം പാര്‍ട്ടി പ്രവര്‍ത്തകര്‍ക്കുള്ളില്‍ പല തരത്തിലുള്ള അഭിപ്രായങ്ങള്‍ ഉയര്‍ന്നു കഴിഞ്ഞാല്‍ അവസാനം എടുക്കുന്നത് കൂട്ടായ തീരുമാനം ആയിരിക്കുമെന്ന് കുഞ്ഞാലിക്കുട്ടി വിഷയത്തില്‍ മുനീര്‍ പ്രതികരിച്ചു.
വിശദമായി ചര്‍ച്ച ചെയ്തായിരിക്കും പാര്‍ട്ടി തീരുമാനം എടുക്കുക. ഉന്നതാധികാര സമിതിയേക്കാള്‍ പ്രാധാന്യം നല്‍കുന്നത് പ്രവര്‍ത്തക സമിതിക്കാണ്. അന്തിമമായി തീരുമാനം എടുക്കുന്നത് പ്രവര്‍ത്തക സമിതിയാണെന്നും മുനീര്‍ കൂട്ടിച്ചേര്‍ത്തു.
